Peqatigiiffik Ili Ili, Nuummi Ilisimatusarfimmiittoq, maajip 231-ani ataatsimeersuartoqarnerani nutaaqqinnaamik siulersuisoqalerpoq.

Ili Ili siornatigut universitetimi oqallinnernik aaqqissuussisarpoq. Aammalu ilinniarneq pillugu Nunatsinni politikkimut akuliunnikuupput.

Atuaruk: Ilinniagaqarnersiutit pillugit inatsisissamut allannguutissaq

Tamannalu ingerlatiinnarneqassaaq, siulittaasoq nutaaq, Kuluk Lyberth neriorsuivoq.

- Ilinniartut pisariaqartitaat iluaqutigisinnaasaallu pillugit Ili Ilimi siulersuisuniit ilinniartut pillugit oqaloqatigerusuppagut, saniatigullu ilinniartut suut siulersuisunit pisariaqartinneraat oqaloqatigissallutigit, taanna allappoq.

Ilaasortaaneq akikinnerulertoq
Inuiaqatigiit pillugit oqallinnerni ilinniartut akuunerunissaat inuiaqatigiinnit taavalu ilinniartunit atorfissaqartinneqartoq, tamakkulu ilinniarnerit ingerlanneqartut tamalaat akornanni sapinngisamik ataatsimut siammasissumillu ingerlanneqartariaqartut, Kuluk Lyberth isumaqarpoq.

Ataatsimeersuaarnermi siulersuisunngortut ilaasortaanermi akiliutaasartoq annikillineqarnissaa siunnersuutigivaat, akuerineqarlunilu semesterimut 300 koruunimiit 100 koruunimut appartinneqassasoq, taannalu akuerineqarpoq.

Siulersuisut nutaat toqqarneqartut
Siorna ataatsimeersuarnermi ilaasortaanermut iluaqutit, aningaasaliisut aamma nunanit tamalaanit suleqateqarneq sammineqarput.

Siulersuisunngortut ukuupput:

• Siulittaasoq: Kuluk Lyberth, Inuiaqatigiilerineq

  Siulittaasup tullia: Tukumminnguaq Nykjær Olsen, Inuiaqatigiilerineq

  Aningaaserisoq: Taatsiannguaq Olsen, Erhvervsøkonomi

  Allatsi: Marianne Jensen, Inuiaat kulturiat oqaluttuarisaanerallu

  Paasissutissiinermi ataqatigiissaarisoq: Ane-Marie Petersen, Tusagassiorneq

  Siulittaasunut ilaasortaq: Julia Lynge Ezekiassen, Inuiaqatigiilerineq

  Siulittaasunut ilaasortaq: Vivi Noahsen, Inuiaat kulturiat oqaluttuarisaanellu

  Siulittaasunut ilaasortaq: Tina Kûitse, Inuiaat kulturiat oqaluttuarisaanerallu

Ilinniarneq pillugu allaaserisat tamaasa takukkit​