Ilimanaq
Iluliarsuaq internetimut assiisoq
Ilimanap Ilulissallu akornanni internetimut- aamma mobilimut attavik iluliarsuarmit ajoqusersorneqarpoq
Ilimanap Ilulissallu akornanni maannakkorpiaq iluliarsuup attaveqarniarneq akornusersorpaa. Akornutaasup Ilimanami sullitagut internetimut, mobiltelefoneqarnermut, radiomut aamma TV-mut attaveqarniarnerannik kipisaqattaartumik akornusersorpai, Tele-Post ilisimatitsivoq.
- Pinngortitaq aqukkuminaaqaaq. Maannakkorpiaq allamik iliuusissaqanngilagut kisianniuna naammagittarluta, IT-mut Attaveqaatinullu immikkoortortaqarfimmi qullersaq Emil Kleemann, tusagassiuutinut nalunaarummi oqarpoq.
Nikittartoq
Siorna oktoberimi assingusumik ajornartorsiuteqarpugut, tassa attaveqarniarneq ilulissamit aamma assersorneqarmat.
- Ajornartorsiut aaqqiivigisinnaanngikkallarparput. Qujanartumilli iluliaq nikerarusaartoq takusinnaavarput. Ajornartorsiutip aaqqinnginnerani utaqqiinnarallartariaqarpugut, Emil Kleemann nassuiaavoq.