Skip to main content

Akiligassaqarfinnit Nunaminerals pillugu iliuuseqarnissaq utaqqineqartoq

Aatsitassarsioqatigiiffik akilersuinerminik uninngatitsinermit illersugaajunnaarpoq, tamannali akiligassaqarfiit suliffeqarfiup akiliisinnaajunnaartutut suaarutigineqarnissaanik piumasaqalissutiginngilaat. Taamaattumik suliffeqarfik akiliisinnaassuseqanngitsoq ingerlaannarallarsinnaavoq

Nunaminerals, akiligassaminik akiliisinnaajunnaarnini pissutigalugu siorna maajimili akilersuinerminik uninngatitsisimasoq, malersugaaqqilerpoq. 

Tamatumunnga pissutaasoq tassaavoq akilersuinermik uninngatitsinerup inatsisit naapertorlugit ukiumi ataasiinnarmi attanneqarsinnaanera.

Taamaattumik Kalaallit Nunaanni Eqqartuussiviup, suliffeqarfiup akiitsut millioninik marlunnik kisitsisitallit akilerneqarsinnaalernissaannut katillugit qulinik nutaanik periarfissereersimallugu akiligassaqarfinnut illersugaanerata sivitsoqqinneqarnissaa sapaatip-akunnerata siuliani sapaammi itigartitsissutigaa. 

Atuaruk: Nunaminerals nakkaalluinnalersoq

Akiliisinnaajunnaartissinnaagaat
Taamaalilluni Nunaminerals
maanna suliffeqarfinngorpoq ‘nalinginnaasoq’, akiligassaminik tamanik akiliisinnaasussaq. Taamaaliorsinnaanngippat aqutsiuisa akiliisinnaajunnaarnissaa piumasarisinnaavaat, soorluttaaq akiligassaqarfiit taamaaliorsinnaasut. 

Kisianni Namminersorlutik Oqartussat 4,5 millioner koruuninik erniaannillu pissaqartut, Greenland Holding namminersorlutik oqartussanit pigineqartoq 6 millioner koruuninik pissaqartoq, imaluunniit Grønlandsbanken aatsitassarsioqatigiiffimmit ajornartorsiortumit aningaasanik amerlajaartunik ilisimaneqanngitsunilli pissaqartoq, periarfissamik tamatuminnga maannamut atuisimanngillat. 

Atuaruk: Nunaminerals periarfissaarutilerpoq

Tamatumunnga pissutaasoq tassaagunarpoq suliffeqarfiup akiliisinnaajunnaartutut suliarineqalissagaluaruni aallerfiusinnaanerata annertuallaassagunannginnera. Namminersorlutik Oqartussat aningaasat tamakkerlugit annaasaqassagaluarput, allalli taakkua marluk taarsigassarsiarititamik ilaannaannut Nunamineralsip qullersaqarfianik Nuummiittumik qularnaveeqqusiussaqarsimallutik. 

Allaaserisaq tamaat AG-mi atuaruk, taanna ullumikkut pisiniarfinni pisiarisinnaavat. Aviisi aamma uani pisiarisinnaavat:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER