Nunaminerals periarfissaarutilerpoq

´2016-imi maajip 15-iata kingorna akiliisinnaajunnaartitaanerup sivitsorneqarnissaa naatsorsuutigineqassanngilaq´.

Taamatut allapput eqqartuussissuserisut marluk, Søren Aamann Jensen, Københavnimi eqqartussussiserisutut ingerlatsivinnit Kromann Reumert-imeersoq, aamma Niels Hansen Damm, Nuummi eqqartuussissuserisutut ingerlatsimmit Malling & Hansen Damm-imeersoq, nunatsinni aatsitassanik ujaasinermik selskabip NunaMinerals A/S-ip akiliisinnaassusia pillugu kingullermik paasissutissiinermini.

Qinnuteeqaat

Akiliisinnaajunnaarnerup sapaammi maajip 15-iata tunungaanut kinguartinneqarnissaanik ingerlatsiviup pisortaasa qinnuteqaataat tallimanngornermi apriilip 22-anni Kalaallit Nunaata Eqqartuussiviata akueraa, aammaarlunili sivitsueqqinnissamik qinnuteqaatip itigartinneqarneratigut tulummut niunernermik ingerlatsisumut Patrick Newmannimut, selskabimullu Greenland Mining Management Ltd-mut, 2015-imi NunaMineralsimik ajornartorsiortumik annaassinarlutik pilersitsimasunut, aningaasanik pissarsiniarnissaq kipiluttunarsivoq.

Selskabilli iluarsaateqqinneqarnissaanut Patrick Newmannip Greenland Mining Managementillu aningaasat pisariaqartinneqartut pissarsiarisinnaasimanngilaat, Kalaallit Nunssnnilu Eqqartuussiviup ukiuni kingullerni akiliisinnaajunnaarnerup sivitsiorneqarnissaannik qinnuteqaat 11-eriarlugu sivitsortarsimavaa.

Aalajangiinerit pingaarutillit

Akiliisinnaajunnaarnermi ingerlatsivik nutaamik aningaasanik tunngaveqalernissaanut piffissalerneqartarpoq, tamannalu akiligassaqarfiit tapersersorsinnaavaat. Tamanna pisinnaanngippat akiliisinnaajunnaartoqartarpoq.

Pisimasup matuma ingerlarngani nakkutilliisut suliassaraat akiligassaqarfiit soqutigisaasa isumaginissaat, taamaattumillu selskabimi aalajangiinerit pingaarutillit nakkutilliisut akuerisassavaat.

Oqaluttuaq tamaat Sermitsiami sapaatip akunnerani saqqummersumi atuaruk, taannalu pisiarisinnaavat uani:

Sermitsiaq Uge 19 2016

Klik her for at læse