Skip to main content

Innuttaasut nutserarnerat praktikkerfissallu oqallinnermik pilersitsisut

Innuttaasut nunarput qimallugu nutserarnerat praktikkerfissallu amigaataanerat Naalakkersuisut Nuummi innuttaasunik ataatsimiititsineranni oqaluuserineqangaatsiarput

Naalakkersuisunut ilaasortat tamarmik, tamarmik immikkut nerriveeraqarlu­tik, Nuummi innuttaasunut takkussimasu­nut marlunngornermi unnukkut piareersimapput. 

Isersimasut 100­-t missaanniipput, naallu ikinnerpaamik pingajorarterutaat Namminersorlutik Oqartussani atorfilit­ taagaluartut saarlerpaanilu issiarrakkalu­artut, inersuarmi pissangasoqarnera malunnarpoq. 

Akisussaaffiit
Innuttaasummi Naalakkersuisunut ilaasortanik naapitsinissamut apeqquteqarnissamullu ullut tamaasa periarfissaqartanngillat. 

Naalakkersuisunut ilaasortat ataasiakkaarlutik akisussaaffeqar­fimminnut tunngasunik saqqummiussinis­samut periarfissinneqarput, taamaalillunilu akunneq ataaseq siulleq Naalakkersuisunit atorneqarluni, akunnerillu kingulliit marluk innuttaasunut apeqqutaannullu atorneqarlutik.

- Innuttaasut ilarpassuisa Danmarkimut nutserarnerat nalinginnaasumik ilisimaa­ rineqarpoq, tappavanimi inuuniarnikkut atugassarititaasut pitsaanerummata nerisas­sallu akikinnerummata. Tamanna unitsinni­ arlugu Naalakkersuisutsunik suliniuteqar­ niarpat, innuttaasut ilaat aperaaq.

Periarfissat
Aningaasaqarnermut Aatsitassanullu naalakkersuisoq, Randi V. Evaldsen (D), tamatumunnga akissuteqarluni oqarpoq, ajornartorsiut Naalakkersuisunit eqqumaf­ figineqartoq taamaattumillu nutserartoqartarneranut pissutaasut paasiniarlugit misissuisitsisoqalersimasoq.

- Tamatuma kingorna pilersaarusiortoqas­saaq, oqarpoq. Inuussutissarsiornermut, Suliffeqarner­mut, Niuernermut Nunanullu Allanut Naalakkersuisoq, Vittus Qujaukitsoq (S), nassuiaalluni aamma oqarpoq, ilaatigut suliffissanik amigaateqarneq aamma ineqar­ nermut akiliutit qaffasissut inuit nunarput qimallugu nutserartarnerannut pissutaaqar­nerat maluginiarsimagitsik.

– Taamaattumik inuussutissarsiornikkut periarfissanik piviusorsiortunik amerlane­rusunik pilersitsinissaq aamma pisariaqar­poq, assersuutigalugu aatsitassarsiornerup iluani, nassuiaavoq, taamaattorli sorpiaat pineqarnerat qanimut iserfiginagu.

Allaaserineqartoq tamaat aviisimi Sermitsiami atuarneqarsinnaavoq. Aviisi uani aamma pisiarineqarsinnaavoq:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER