U12-it assammik arsarnerat
Assit takukkit: U-12 Brugseni Børn Cup 2016-imi finalertut naligiissaqaat
Nukappiaqqani niviarsiaqqanilu holdit finalertussat naligiissagunaqaat
U-12 Brugseni Børn Cup 2016-imi, Nuummi ingerlanneqartumi, finalit ullumi ingerlanneqassapput.
Multihalimi Inussivimmi sapaammi ualikkut finalernissat pissanganarlutillu naligiiffiussagunaqaat.
SAK-p NÛK unammissavaa
Tamanna ilimanarsivoq arfininngormat ualikkut imminut unammeqattaarnerit kingulliit ingerlanneqarmata. Niviarsiaqqani SAK-p NÛK unammivaa, tassanilu SAK 11 - 10-mik ajugaavoq. Taamaattumik sapaammi ualikkut finalimi unammilerunik NÛK qularnanngitsumik akiniaarusussaaq.
Ippassaq unamminerminni naligiittorujussuupput, qularnanngiarlu finali pissanganassaqisoq.
Aqigssiap GSS unammissavaa
Aqigssiaq GSS-ilu sapaammi bronzenanniunnissartik sioqqullugu aamma unammipput. Tassani GSS 12 - 9-mik ajugaavoq. Bronzenanniunneq aamma pissanganassaqaaq.
Nágdlúnguup GSS unammissavaa
Nukappiaqqani Nagdlúnguaq GSS-ilu finalimi unammissapput. Unammineranni siullermi Nagdlúnguaq marlunnik amerlanerusunik isertitaqarluni ajugaavoq, taamaattumik finalernerat siullermik unamminerattut pissanganartigissagunarpoq.
SAK-p NÛK unammissavaa
Nukappiaqqani bronzenanniutissapput SAK aamma NÛK, taakkualu unammineranni siullermi SAK ataasiinnarmik amerlanerusumik isertitsilluni ajugaavoq.
Arfininngormat unamminerni inernerit:
Nalunaaqutaq 13.00: Nukappiaqqat S-68 - SAK 13-16 (9-7)
Nalunaaqutaq 13.45: Niviarsiaqqat SAK - NÛK 11-10 (5-6)
Nalunaaqutaq 14.30: Nukappiaqqat Nagdlúnguaq - SAK 16-9 (8-3)
Nalunaaqutaq 15.15: Nviarsiaqqat Aqigssiaq - GSS 9-12 (6-7)
Nalunaaqutaq 16.00: Nukappiaqqat NÛK - GSS 8-17 (2-6)
Nalunaaqutaq 16.45: Nukappiaqqat Nagdlúnguaq - S-68 14-9 (9-3)
Sapaammi unamminissat:
Nalunaaqutaq 13.00: Niviarsiaqqat bronzenanniunneq GSS - Aqigssiaq
Nalunaaqutaq 13.50: Nukappiaqqat bronzenanniunneq SAK - NÛK
Nalunaaqutaq 14.40: U-8 takutitsilluni unammineq
Nalunaaqutaq 15.20: Niviarsiaqqat finale SAK - NÛK
Nalunaaqutaq 16.20: Nukappiaqqat finale Nagdlúnguaq - GSS