Skip to main content

Saarulliit suliffinnik pilersitsipput

Royal Greenlandip Kangaatsiami aalisakkanik suliffissua sulisunik nutaanik 30-nik atorfinitsitsigallarpoq, pilersaarutaavorlu sulisut marloriaatinngortinneqarnissaat

Royal Greenlandip Kangaatsiami aalisakkanik suliffissua sapaatip akunnerani uani saarulliit nerpiinik tunisassiulerpoq.

Suliffissuaq tunisassiornermut sulisunik nutaanik 30-nik atorfinitsitsigallarpoq. Suliffissuullu pisortaata neriuutigaa sulisut akunnaallillugu suli 30-nik ilaneqarumaartut, qaammatip matuma naannginnerani tunisassiorneq ingerlallualerpat.

Tamakkiisumik tunisassiussaaq

– Aallartisarnermi teknikkikkut ajornartorsiuteqarneq pissutigalugu tunisassiorneq suli kigaatsumik ingerlavoq. Neriuppugulli qaammatip naannginnerani tamakkiisumik tunisassiulersinnaassalluta, taamaasillutalu sulisuvut 30-t angullugit amerlassusilinnik ilaqqillugit, Royal Greenlandip Kangaatsiami suliffissuata pisortaa Abia Thorsteinsen oqarpoq.

Blokkit

Tunisassiorneq maajip 3-anni aallartimmat tassani aalisartut saarullinnik 6 tonsinik tunisipput, taakkunanngalu tonsi ataaseq nerpinnik tunisassiarinewqarpoq, sinnerilu blokkinngorlugit qeritinneqarlutik.

– Siunertaraarput kingusinnerusukkut ullormut nerpiit 10 tonsit angullugit tunisassiarisalernissaat, suliffissuup pisortaa oqarpoq.

Imermik amigaateqarneq

Kangaatsiami imissaaleqineq pissutigalugu nerpinnik tunisassiorneq 2015-imi oktobarimi unitsinneqartariaqarsimavoq, tamannalu pilersaarutaasumit siusinneruvoq.

Nunaqarfiup imissaaleqinera suli aaqqinneqavinngilaq, taamaattumillu suliffissuaq maanna tunisassiorpoq imermik sapinngisamik annikinnerpaamik atuilluni.

Sapinngisamik annikitsoq

– Maanna tunisassiornitsinni imeq sapinngisamik annikitsoq atorparput, tassa qaammammut imeq annerpaamik 1.000 kubikmeteri atorsinnaagatsigu. Nukissiorfiilli nunaqarfimmi imermik ajornartorsiuteqarneq aaqqinniarsaraa. Taamaattumik naatsorsuutigaara kingusinnerusukkut saarulliit ullormut 15 - 20 tonsit tunineqartalersinnaassasut, Abia Thorsteinsen oqarpoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER