500-t soraarsinneqartut
Canadamiut uranisiorfiat matugallarneqartoq
Niuerutigineqartup akia qaffasinnerulernissaa utaqqineqarnerani, Canadamiut suliffeqarfiutaata Cameco Corporationip uranisiorfini matugallarpaa
Aatsitassarsiorfiup Camecop Rabbit Lakemi piiaaffiik Canadap avannaani Saskatchewanimiittoq matuniarlugu aalajangiummagu, inuit 500-t suliffitik annaavaat.
Sakatoon Star Phoenix taama allappoq
Uranimik nioqquteqarneq pitsanngoriartinnagu, suliffeqarfik piiaanissaminut naammattumik isertitaqarsinnaanngilaq.
- Aki ukiuni tallimani maanna appasinnikuuvoq - ukiut tallimat sinnerlugit, pisortaq Tim Gitzel tusagassiuutinut katersuutsitsinermi oqarpoq.
Japanimit akit sunnerneqartut
- Uranip akia ukiut tallimat matuma siorna 72 dollariugaluarpoq. Ualimut 26-iinnarmiippoq, taanna itisiliivoq.
Fukushima Daiichimi 2011-imi ajunaarnersuaqarnerata uranimik niuerneq sunniuteqarfigingaatsiarpaa, ilaatigut Japanimiut atomip nukinganik nukissiorfii 50-it sinneqartut matummata.
Urani pillugu allaaserisat tamaasa takukkit
Ingerlatsiviup maanna Rabbit Lakemi piiaaffik matugallarpaa, tassani najugaqartut 150-it suliinnarnissaat naatsorsuutigineqarpoq, sulisullu allat 600-t soraarsinneqarput.
Rabbit Lakemi piiaaffik Canadami siullersaraat, tassani aamma atomip nukinganik nukissiorfinnik arlalinnik peqarpoq.
Tamanna paasisallu allat Danmarks Radiop tussiarfissuarmi sulinngiffeqarnerup nalaani aallakaatippaat, arfininngormat atomip nukinga sammineqarpoq.
DR.dk-mi takuuk: Temalørdag: Atomkraft - hvorfor ikke?