Skip to main content

Paddy Nunatsinnukalerpoq

Michael Patrick Kelly, The Kelly Familymeersoq sisamariarluni Sisimiuni, Ilulissani aamma Nuummi tusarnaartitsissaaq

Nunarsuarmi tusaamaneqartoq Michael Patrick Kelly, Paddymik The Kelly Familymeersutut ilisimaneqarnerusoq, kisimiilluni tusarnaartitsisaqattaarnermini tikeqqissaaq, Nunatsinni illoqarfiit Ilulissat, Sisimiut aamma Nuuk tikeraassavai.

Tamanna maajip naalernerani pissaaq, Katuaq nalunaaruteqarpoq, taassumalu siullermik Ilulissat tikissavaa, Sisimiut tulliullugu, naggataatigullu Nuuk.

Paddy Sisimiuni marloriarluni tusarnaartitsissaaq.

Nuuteeraq nutaaq
2015-imi saqqummersitani ‘Human’ nunani arlalinni angalaarussimavaa immikkoortuni marlunni turnéreernermi kingorna, ukioq manna immikkuullarissunik tusarnaartitsinerit ingerlatissavai Tysklandimi, Hollandimi, Danmarkimi, Polenimi, Tjekkietimi aammalu Nunatsinni.

Assit takukkit: Paddy Kelly nuannisartitsersuaartoq

Michael Patrick Kellyp ilisimaneqaatigivaa taaguutini 'Paddy', 90’ikkunni ilaquttani ilagalugit nipilersorneq aqqutigalugu angalaartarnermigut tusaamasarsuartut meeraallunili misilittagaqareernikuuvoq. 

Paddy ilaqutariinni taalliortutut qitiusutut inissisimasutut isigineqarpoq.

Mattuttoq nipilersortartoq
Taanna ukiuni arfinilinni mattuttutut inuusimavoq. Piffissaq ilinniarlunilu, sulinermut meditererlunilu qinunermut atorsimavaa. Piffissaq ingerlareermat ukiut marluk utaqqivoq, kingornalu kisimi nipilersortartutut aatsaat taalliulerlunilu erinniulersimavoq.

Kellymi erinarsortartoq Nunatsinni nuannarineqartorujussuuvoq, arlaleriarlunilu sukkasuumik ulikkaartunik tusarnaartitsinikuuvoq.

Atuaruk: Paddy Kellyp tusarnaartitsinissaanut isissutissat nungupput

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER