Skip to main content

Neriniartarfik isornartorsiorneqareerluni: Inimik milutsitsisarfeqarpugut

Nuummi neriniartarfimmi Restaurant Herefordimi arfininngormat neriartortut arlaqartut nuanninngitsumik pineqartutut misigalutik, milutsitseqqusaannginneq pissutigalugu neriniartarfik qimammassuk utoqqatsissutigineqarpoq

Najannguaq Davidsen Lennert ilanilu arfininngormat unnukkut inuit quliullutik Restaurant Herefordimut neriartorput.

Najannguup meeqqani milutsinnialermagu, unnuk nuannerunnaarpoq.

Saqisoq saaffiginnittoq
Saqisup nerisarfik qimallugu allami inimi milutsitseqqullugu qinnuigaa. Taassuma kingorna nereqatigiit neriniartarfik Nuummiittoq qimanniarlugu aalajangerput.

Anaanaasut tamanut ammasumi milutsitisinnaaneranut tunngasoq assortuussutaasartoq aatsaat siullermik oqallisaalinngilaq.

Taamaattumik Sermitsiaq.AG neriniartarfimmut attaveqarpoq. Tassani oqaatigineqarpoq, anaanaasoq inimi allami milutsitsinissaanut neqeroorfigineqartoq.

Sooruna arnap neriniartarfik qimannissaanut qinnuigineqartoq?

- Ullutsinni inuit attaveqaqatigiittarfiini oqaluttuat ingerlaapallannerisigut ingasattajaartunngortinneqarsinnaapput. Milutsitsineq pissutigalugu neriartortumik anisitsinngilagut, Helge Tang Sermitsiaq.AG-mut oqarpoq.

Pisisartut misigisaat pingaaruteqartut
Tang suliutigaluni Hecami siulersuisuni siulittaasutut aamma Hotel Hans Egedemi siulersuisuni siulittaasutut atorfeqarpoq.

Pisoq qiviarussiuk allatut iliuuseqarfigisimasinnaagaluarpisiuk?

- Pisisartut nuanninngitsumik misigisaqaraangata, pisut allatut aamma pitsaanerusumik iliuuseqarfigineqartuaannarsinnaapput. Neriartortoq nuanninngitsumik misigisaqarsimappat ajuusaarutigaara.

Suliffeqarfiutisi siornatigut milutsitsinermut tunngatillugu malittarisassaqartarput. Tamannarpiaq sumik pissuteqarpa?

- Ullumikkut politikkerput suli taamaappoq. Neriartortut allat arlaqartut ini neqeroorutigineqartoq iluaqutigisareerpaat, Helde Tang oqarpoq.

Atuisut nunarsuarmit tamaneersut
- Milutsitsineq ajorinngilarput, kisianni nunanut tamalaanut akunnittarfittut, nunanillu tamanit atuisoqartartutut sullissinerput kulturinut amerlasuunut tunngatillugu nalimmassartariaqarparput. Malittarisassat akunnittarfinnut nunanut tamalaanoortunut, soorlu uagutsitut ittut, cafénit allanillu allaanerupput.

Inuit ilaat neriniartarfinni meeraaqqanik milutsitinissamut inissaqartitsisoqartariaqarneranik isumaqarnerat paasisinnaavisiuk?

- Taamaattumik politikkeqarpugut inimik milutsitsiffissamik neqeroortuaannassalluta. Inimik meeqqap anaanaatalu eqqissisimaffigisinnaasaannik neqeroortarpugut, suliffeqarfiutilik akivoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER