Aalisarneq
Sisimiut eqqaani nipisanniarneq aallartilerpoq
Upernaakkut nipisanniarneq aamma Qeqqani aallartissinnaanngorpoq
Maanna upernaakkut aalisarneqarluartartunik nipisat suaannik aalisarneq Sisimiunit, Sarfannguani aamma Itillimi ammarneqarpoq.
Kisianni aalisartut aallartinnginnerminni ataasinngorpat tungaanut naammagittaqqaalaartariaqassapput.
Suaat 90 tonsit
Aqutsiveqarfimmi 1Bb-mi nipisat suaannik suanniarneq ataasinngorneq apriilip 18-anni aallartinneqassaaq, pisassiissutaasullu suaat 90 tonsiupput.
Nipisat suanniarneq unitsinneqassaaq pisassiissutigineqartut nunguppata imaluunniit ullut 47-t aalisarfigineqartussat nallerneqarpata. 1Bb-mi tunisineq kingulleq tassaasinnaassaaq tallimanngorneq juunip 3-at, tassa pisassiissutigineqartut piffissaq taaneqartoq nungussimanngippata.
Atuaruk: Nipisanniarneq MSC-mik akuersissuteqarfigineqarpoq