Skip to main content

Kalaallit Nunaat ajugaateqqikkaat

Akutaaneq Kreutzmann aamma Minik Dahl Høegh Kalaallit Nunaata Islandimut unamminerata pingajuanni katillugu 19-inik isertitsipput

Angutit assammik arsarlutik nunanut allanut unammisartut Islandimut unamminirtik pingasut tamaasa ajugaaffigaat. Siullermik tallimanngormat 25-22-imik Island U20-inut. Arfininngormat 26-25-imik Island U18-inut. Kiisalu sapaatiummat 29-28-imik Islandip U20-ertaannut.

Islandimiut U20-ertaannut sapaatiummat Reykjavikimi unamminermi, Islandimiut tallimanngormat ajorsareerlutik ajugaanissamik neriuuteqarlutik unammipput.

Tamannali iluatsinngilaat, naak unamminermit siullermit piareersarluarnerullutik unammigaluarlutik.

Naligiittut
Unamminerup naligiiffiusorujussuup kingorna sungiusaasup Niels Møllerip pingaartippaa, Kalaallit Nunaata unamminerup annerpaartaata ilaani isumaqatigiissutit iluatsimmatigit.

Unammineq pissanganartoq Kalaallit Nunaat 29-28-mik ajugaaffigaa, muminnermi 14 - 14-ereerlutik. Frank Mikkelsen kalaallit måliniittuat unammilluaqqippoq, aamma Akutaaneq Kreutzmann, ingammillu Minik Dahl Høegh isertitseqattaarput.

Misigisaq nuannersoq
Kalaallit Nunaata målernerpaartarisaata Minik Dahl Høeghip isertuutinngilaa, sungiusaatigalugu Islandimut unammiartorneq iluatsilluartoq.

- Nuannertupilussuuvoq. Unamminerni pingasuni ajugaavugut. Soorunami unamminerni pitsaassutsimi tassani ajugaasinnaalluni nuannerpoq, imminullu tatigineq annertusiallallugu, Minik Dahl Høegh oqarpoq.

- Sungiusagaqarpugut, minnerunngitsumik målinik illersuineq, tamannalu De Panamerikanske Mesterskabinut Argentinami atorluarsinnaavarput. Isumaqarpungalu piffissami annertuumi holditut unammisugut.

De Panamerikanske Mesterskaber
Unammineq juunimi Buenos Airesimi Argentinami ingerlanneqassaaq. Holdit pitsaanerpaat pingasut nunarsuarmi pissartanngorniunnissamut peqataassapput.

Kalaallit målertut:

  • Minik Dahl Høegh, 12
  • Akutaaneq Kreutzmann, 7
  • Miki Duko Sørensen, 4
  • Nuka Heilmann, 3
  • Aqqalu Ingemann, 2
    • Nuuno Lars Olsen, 1
     
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER