Skip to main content

Video takujuk: Hotel Arctic nunat tamalaat unammineranni sølvinnappoq

Video nutaaq akunnittarfimmik ilisarititsinermi nunarsuarmi pitsaanerpaat ilaattut nersornaaserneqarpoq

Ilulissani Hotel Arctic nunat tamalaat akornanni nersornaaserneqarpoq, akunnittarfimmillu ajugaasut akornanniitsitsivoq ingerlatsiviup videoliaa ilisarititsissut nutaaq ´Five Moments´.

Qaammammi matumani nunat tamalaat takornariaqarnermik takutitsineranni ITB-mi, Berlinimi ingerlanneqartumi, video akunnittarfiit untritilikkaat nunarsuarmit tamarmeersut unammillugit normu 2-ngorpoq.

Hotel Arcticip inniminniinermut pisortaata Lise Marie Petersenip ingerlatsivik sinnerlugu nersornaat ITB´s Tourism Media Award, taaguutilik Das Goldene Stadttor (Illoqarfimmut isaaffitsialak).

Simon Lynge nipilersortoralugu

– Kalaallit Nunaannik angalaffissatut nittarsaanitsinnik nersornaaserneqaqqinnerput tulluusimaarutigaarput. ITB takornariaqarnermik takutitsiverujussuuvoq nunarsuarmit tamarmeersunik peqataaffigineqartartoq. Neriuppugullu Berlinimi nersornaatisisarput Hotel Arcticimut Kalaallillu Nunaanni tamarmi takornariaqarnermut iluaqutaajumaartoq, pisortaq Erik Bjerregaard tusagassiorfinnut nalunaarutikkut erseqqissaavoq.

Videoliaq nutaaq sananeqarsimavoq ParaVision-imit. Nipilersortartorlu Simon Lynge videoliamut immikkut taalliorlunilu erinniorsimavoq - filmimi scenenut naapertuuttumik - taannalu immiullugu.

Sammisat tallimat

Videomi minutsinik pingasut missarpiaannik sivisussusilimmi sammineqartut tallimat tassaaput akunnittarfiup mingutsitsinnginnermut nunanit tamalaanit allagartaa ´Green Key´, iglo-t, immikkoortumi Umiaq-mi init deluxe, ataatsimeersuartarfik tallimanik ullorialerneqarsimasoq kiisalu nunap nerisassaatai, Restaurant Ulomi nerisassiornermut tunngavittut.

New Yorkimi peqataasussatut toqqagaavoq

Aappassaa Hotel Arctic ITB-mi nersornaaserneqarpoq. Ukiut sisamat matuma siornatigut akunnittarfiup videoliaa ilisarititsissut siulleq Berlinimi kuultinnappoq.

Apriiliinnartoq Hotel Arcticip videoliaa nutaaq nunat tamalaat unammiuaarneranni allami peqataaqqissaaq. Video ´New York Festivals World´s Best TV & Films´-imi peqataasussatut toqqarneqarsimavoq, tassanilu filmit untritilikkaat nunanit 50-it sinnilinneersut unammissapput.

Ajugaasut apriilip 19-ianni Las Vegasimi aliikkusersuinermi toqqarneqassapput.

Videoliat ataani takukkit. Qulliuvoq akunnittarfiup videoliaa nutaaq, Das Goldene Stadttorimik nersornaatisisoq. Alliuvoq Hotel Arcticip 2009-mi videoliaa, A world beyond imagination, taannalu unammisitsinermi tassani kuultinnappoq

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER