atornikuerniarfik
Nuummi Røde Korsi rekortiliilluni iluanaaruteqartoq
Illoqarfiit pingaarnersaanni immikkoortortaqarfik 2015-imi ukiumut naatsorsuiffimmi nioqqutissanik tunisaqarnerup inerneraa 1.2 millionit koruunit, tamanna 2014-mut naleqqiullugu 195.000 koruuninik amerlanerullutik
Nuummi Røde Korsi ingerlalluarpoq.
Tassami Røde Korsip immikkoortortaqarfiani ukiumut naatsorsuiffimmi nioqqutissanik tunisaqarnerup inerneraa 1.241.000 koruunit, tamannalu immikkoortortaqarfimmut rekortiuvoq.
Tamannalu siornamut naleqqiullugu 195.000 koruuninik amerlanerullutik.
Sinneqartoorut annertooq
- Nuummi innuttaasuniik suli sorpassuarnik tigooqqaasarpugut tunisaqarnerujussuarmut pisuupput kajuminnertik tunngavigalugu sap.ak. tamaasa akunnerpassuarni pisiniartitsisuusartut, Røde Kors Nuuk tusagassiuutinut nalunaarummi taama allappoq.
Atuaruk: Tarnikkut ikiueqqaarnermi ilitsersuisut nutaat qulit
Nuummi Røde Korsip immikkoortortaqarfia naapertorlugu iluanaarut 690.000 koruunit missaaniipput.
Taakkunannga inuusanik Inuk Inuunamillu tuniniaanikkut immikkut 84.000 koruuningajaat isertissimavagut. Inuusat Aase Nygaardimit Noele Simönimillu nuersarneqarsimapput.
Angerlarsimaffeqanngitsunut ikiuineq
- Inuusanik tuniniaanikkut isertitat tamakkerlugit angerlarsimaffeqanngitsut nerisinneqartarnerannut nakkartinneqartarput, Røde Kors Nuuk oqarpoq.
Røde Kors Nuuk Kofoeds Skolemik suleqateqarpoq, NO Ini (angerlarsimaffeqanngitsut peqatigiiffiat), Frelsens Hærilu, suleqatigiinneranni nerisitsisarnerup saniatigut ilaavoq atuisut atornikuerniarfimmiik atisartaarlutillu kamippattaarsinnaasarnerat.
Atuaruk: Syriami qimaasunut kalaallit 50.000-inik tunissuteqartut