Skip to main content

Kim Kielsen: Naalakkersuisoqatigiissimasut pisuupput

Akisussaaffiit illoqarfiit pingaarnersaata avataanut nussorneqartarsimannginnerannut Naalakkersuisut siulittaasuata partiit naalakkersuisoqatigiissimasut Inuit Ataqatigiit Demokraatillu pisuutippai

Kim KIelsen (S) Nuup illoqarfiata qeqqani napasuliarsuarmi namminersorlutik oqartussat allattoqarfianni quleriit arfineq-aappaanni allaffimmini issiavissuarmi issiavoq, illumut qasertumut, kommuneqarfiit kattuffiata Kanukokap qullersaqarfigisimasaanut, isikkiveqarluni.

Kommuneqarfiit kattuffiata illu qullersaqarfini qimannialerpaa, Kommuneqarfik Sermersuup kattuffimmit aninerata kingunerisaanik. Talerpia'tungaani issiavoq Siumumi politikeriusimasoq Siulittaasullu Naalakkersuisoqarfiani Nunap iluani pissutsinut immikkoortoqarfimmi pisortanngorlaaq Martha Abelsen, Kanukokami siulittaasuusimasoq aammalu Kommuneqarfik Sermersuumi borgmesterip tulliata apparisimasaa.

Borgmesterit nalunaajaataat

Kanukokami borgmesterit sinneruttut pingasut, Hermann Berthelsenip, Ole Dorphip Jørgen Wæver Johansenillu, tamarmik Siumumeersut, saqqummiussaat ´Naligiissumik siunissaqarneq´ atuarsimavaa.

Borgmesterit nalunaajaatigaat aaqqissuusseqqinneq tamakkiisumik piviusunngortinneqassasoq, pisortallu suliffiutaat 600-t illoqarfiit pingaarnersaata avataanut nunap immikkoortuinut nuunneqarnissaat ingerlanneqartariaqartoq.

Kinguneqaatit pitsaanngitsut

2005-imiilli allanngortiterinerullu nalaani, kommunillu 18-it 2009-mi kommunerujussuarnut sisamanut ikilisinneqarneranni siunniunneqarsimavoq akisussaaffeqarfiit 100-t namminersorlutik oqartussanit kommuninut nuunneqassasut. Ulloq manna tikillugu akisussaaffiit tallimat nuunneqarsimapput.

– 2009-miit 2014-imut naalakkersusioqatigiit siulitta akisussaaffiit sinnerisa nussorneqarnissaat ingerlassimanngilaat. Tamanna kommunit aningaasaqarnerannut kinguneqarnerlussimavoq, naalakkersuisut siulittaasuat oqarpoq.

Oqaluttuaq tamaat Sermitsiami kingullermik saqqummersumi atuaruk, taannalu pisiarisinnaavat uani:

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER