Skip to main content

DMI: AWG ingerlanneqarnerani sila arlalitsigut uumisaarissaaq

Silasiortut arfininngorpat anorlerluni nittaannissaa, peqataasut silaannakkut angallannerannut ajornartorsiortitsisinnaasoq, aamma Nuummi quasassasoq ilimasaarutigaat

Silap Arctic Winter Games peqatiginngilluinnarpaa.

Nuummi tallimanngorpat aamma arfininngorpat silap qanoq innissaanut ilimasaarummik DMI uisanartumik piareersivoq.

Tallimanngornermi piffissap ilaani kiattarnissaa ilimasaarutigineqarpoq, qerinnartumi aamma unnukku nittaannermik malitseqartussamik. Arfininngorpallu suli ajornerulissaaq, tassami nittaalartalimmik anorersuassaaq.

Quasartoq
- Tallimanngorpat sivikitsumik issangiassaaq, tamannali unnukkut qerinnartumik nittaannermillu taarserneqassaaq. Qularnanngitsumillu timersortunut peqataasunut quasattumik atugaqartitsissaaq. Tamatumali kingorna apeqqut takkuttoq tassaavoq, peqataasut qaqugorpiaq tikissinnaassanersut. Tassami arfininngornerup annerpaartaani Kangerlussuarmit Nuummut timmisartuussinerup unitsikkallarneqarnissaa ilimanaateqartorujussuummat, tamanna nittaalluni anorersuarnissaanut ersernerlunnissaanut aamma sakkortuumik anoraasuartarnissaa ilimanaateqarmat, silasiortoq Stine Buhl, DMI-imi Nunatsinni sulisoq DMI.dk-mut ilisimatitsivoq.

Timmisartuussinissap pilersaarutaasup peqataasut 1.000-t Kangerlussuarmit Nuummukaatissavai. Kisianni taakku nunaqarfimmi unnuisariaqalissagaluarpata, Issittumi Sakkutooqarfik siniffinnik aamma nerisassanik piareersimatitsivoq.

Atuaruk: Sakkutuut timmisartuat Arctic Winter Gamesimi sisoraatinik

- Ajornartorsiutit naqitsiniisaffimmik avannamukartumit peqquteqarput, taakku Davisstrædekkut arfininngornermi avannamut ingerlaassapput, ullullu annersaani sakkortuumik anorlertitsissallutillu nittaalanngikkuni nittaallertitsisassallutik.

- Anorip qaqugorpiaq sakkortusinissaa, aamma qanoq apitiginisssaa, anorlerneralu qanoq sivisussuseqassanersoq, suli oqaatigiuminaappoq. Kisianni maanna isikkua naapertorlugu arfininngornerup annerpaartaa anorlissaaq, aatsaallu arfininngornermi unnukkut imaluunniit sapaammi unnuakkut sakkukillissaaq, Stine Buhl naliliivoq.

Sila allanngorartoq
Nittaalluni anorersuarnissaa ilimagineqartoq naqitsiniisaffinnik arlaqartunit pivoq, uani ukiuunerani Kitaata sineriaani silap allanngorarneranik pilersitsisut, DMI ilismatitsivoq.

Arctic Winter Gamesimi pisortap tullia, Arnakkuluk Jo Kleist, Arctic Winter Gamesimi allaffeqarfiup pisussat nalilersoqattaaraat aamma pingasunngornermi kingusinnerusukkut ilaatigut Air Greenlandimik ataatsimeeqateqarnissaq tamanna pillugu utaqqigaat ilisimatitsivoq.

Atuaruk: DMI: Nuummi arfininngorpat anorsarilluni nittaassaaq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER