Skip to main content

Sulorartartut ilimagineqarnertik naammassiniarsariniarpaat

Kalaallit Nunaat piukkunnaatilinnik misilittagartuunik Arctic Winter Gamesimut sassartitsiniarpoq, taakku ilaat aamma Jerseymi Island Gamesimut peqataanikuupput

Arctic Winter Gamesini kingullerni amerlasuuni sulorartartut medaalianik Nunatsinnut angerlaassisarnikuupput.

Peqataasullu arfineq-pingasut ukioq manna Nuummi issittumi unammiuaartoqarnerani medaalianik pissarseqqinnissaminnut piareerput.

Atuaruk: Sangusaartartut aputeqarluarnissaat neriuutigaat

Unammisartut misilittagartuut
Naaka Kalaallit Nunaat inuusuttunik unammisartunik sassartitaqaraluartoq, arlaqartut misilittagartuujupput. Tassami Nuka Mark Nielsen aamma Cecilia Josefsen, aasaq Jerseymi Island Gamesimut peqataasut aamma Arctic Winter Gamesimut peqataalerput.

- AWG-mut peqataasut ukiuni kingullerni angusat medaaliannannerpassuit angussagaat, Badminton Kalaallit Nunaata naatsorsuuteqarfigaat. Tassanilu neriuutigaarput, Kalaallit Nunaata Arctic Winter Gamesimi medaaliat kuultit tamaasa pissarsiarissagaat, kattuffik allappoq.

Atuaruk: Nerrivimmi arsaarartartut sungiusaasuat medaaliannaqattaarnissamik naatsorsuuteqartoq

Siunissami tusaamaneqartussat
Nunanut allanut unammisartunut sungiusaasoq Rune Svenningsen inuusuttut unammisut malinnaavigiartorlugit Nuummukassaaq, unammiuaarnerillu inersimasuni nunanut allanut unammisartunngornermut ikaarsaarfittut isigai.

Neiruutigaalu unammisartut arlallit siunissami nunanut allanut unammisartuni kivitseqataasuussasut.

Atuaruk: Volleyballertartut inuusuttunik arsartoqassapput 

Unammeqataasussat ukuupput:

  • Nuka Mark Nielsen
  • Cecilia Josefsen
  • Toke Ketwa-Driefer
  • Milka Brøndlund 
  • Miinannguaq Petersen
  • Pilunnguaq Hegelund
  • Victor Langholz
  • Angutivik Berthelsen

Holdini aqutsisutut sungiusaasutullu peqataasut:

  • Victoria Rafaelsen, niviarsiaqqanut aqutsisoq
  • Ib Hansen, nukappiaqqanut aqutsisoq
  • Rune Svenningsen, nunanut allanut unammisartunut sungiusaasoq

Arctic Winter Games pillugu allaaserisat tamarmik uani atuakkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER