Ilulissat

Ilulissani HIV-mik tunillaassuisoqarsimanngitsoq

Ilulissani inuusuttut marluk HIV-mik tunillatsissimanerat qanittukkut paasineqarmata tamanna ernummatigineqalerpoq. Maannalu taakkunannga atoqatigineqarsimasut peqqinnissamut oqartussat misissorsimalerpaat, eqqissiallassinnaalerlutillu

Nunatta nakorsaanera Henrik Trykker naliliivoq Ilulissani inuusuttut akornanni HIV-eertoqarnera maanna siammariartorunnaartoq. Inuit pingasut tunillatsissimapput

Ilulissani inuusuttut akornanni HIV-mik nipaatsumik tunillaassuisoqanngilaq.

Taama oqartussat naliliipput inuusuttut marluk 18-inik 20-nillu ukiullit, siorna decembarimi HIV-ertutut paasineqartut, atoqatigisarsimasaat misissuiffigereerlugit.

Tuniluuttoqanngitsoq
- Pineqartut attaveqarfigisaat nalunaarsorlugillu misissorpavut, HIV-millu tunillatsissimasumik ataatsimik nassaartoqaqqippoq. Inuusuttut taakkua ukioqataasa akornanni. Pineqartup attaveqarfii aamma misissorneqarput allanillu nassaartoqarani, nunatsinni nakorsaaneq Henrik Trykker, nunatsinni nakorsaqarnikkut oqartussat qullersarisaat, nalunaarpoq.

Atuaruk: HIV-mik tunillaanerit nutaat ernumatitsipput

Aqunneqarsinnaasoq
Tamanna isumaqarpa tuniluunneq tamanna unikaallatsinneqarsimasutut isumaqarfigigissi?

- Naluara misissorneqanngitsunik amigaateqartoqarnersoq, tamannali ilimaginngilara. Taamaattumik aqussinnaalersimagipput isumaqarpunga, nunatta nakorsaanera oqarpoq.

Atuaruk: Nunatsinni 25-riarluni hiv-mik tunillaassuisoqartoq

Ilulissani inuusuttut akornanni annertuumik misissuinianngilasi allanik tunillanneqarsimasoqarnersoq takuniarlugu?

- Aap, taamaaliornissamut pilersaaruteqanngilagut. Taakkua attaveqarfigisaasa akornanni annertuumik misissuivugut, sumiiffinnilu allani misilittagarineqartutut annertunerusumik misissuinerit ingerlanneqarsimagaluartut pissarsissutaasanngillat. Nassaartoqanngilaq. Akulikissutsimmi qaffasissuunissaanik ilimagisaqanngilagut – akulikissuseq appasippoq, Henrik Trykker oqarpoq.

AG-mi saqqummeqqammertumi allaaserisaq tamaat atuaruk. Aviisi pisiniarfimmi imaluunniit uani ataani e-aviisitut pisiarisinnaavat:

Powered by Labrador CMS