Skip to main content

Hammond: Isumaqatigiissutip Kalaallit Nunaat namminersulivitsissavaa

Nunatsinnit folketingimut ilaasortaatitap Aleqa Hammondip (S) Kalaallit Nunaat namminersulivinnissaa Free-Associationimik Danmarkimut isumaqatigiissuteqarnikkut sulissutiginiarpaa

Danmarkip naalagaaffeqatigiinnermi akisussaaffini sumiginnaqattaartuaraa, Aleqa Hammond aviisimi Politikenimi allaatigisami allappoq.

Taamaattumik Danmarkip Kalaallit Nunaatalu akornanni nutaamik aaqqiissuteqartoqarnissaa piffissanngortoq isuamqarpoq - taanna Free-Associationimi taaguuteqarpoq.

Atuaruk: Namminersulivinnissamik sulineq unitsinneqanngilaq

Nuna namminersortoq
Tamatumalu Kalaallit Nunaat namminersortunngortissavaa.

Free Associationimik aaqqissuussineq Namminersorneq pillugu Isumaqatigiissummut taartaatikkutsigu, taava Kalaallit Nunaat namminiivissutut inissisimalissaaq. Tamatumalu nassatarisaanik nunatta marluusut siunissami naligiilluinnarlutik imminnut attaveqaqatigiinnissamut isumaqatigiissusiorsinnaalissapput, Aleqa Hammond allaatiginnippoq.

Atuaruk: - Aningaasatigut napatissinnaalernissaq qaqugorsuaq

Danmarkimit sumiginnarneqartoq
Aleqa Hammond naapertorlugu, Danmarkip Kalaallit Nunaanni akisussaaffini iluamik tigunngilai.

- Tamanna ilaatigut aatsitassarsiornerup iluani  upalungaarsimaniarnerup sullivinnillu nakkutilliinerup Danmarkip Nunatsinnut maanna isumagisassanngortinniagaata amigaateqarnerisigut takuneqarsinnaavoq, taanna allappoq.

Nunattali aningaasaqarnikkut Danmarkimut isumaqatigiissutaa Namminersorneq pillugu isumaqatigiissutip Free Associationimik isumaqatigiissummik taarserneqassagaluarpat qanoq pineqassanersoq Aleqa Hammondip KNR-imut isummerfigiumanngilaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER