futsal
Kalaallit Nunaat futsalimi ajorsarujussuarpoq
Kalaallit futsalimi nunanut allanut unammisartut 16-3-imik Tjekkiamut ajorsarput
Tjekkiamut unamminermi siullermi ataasinngormat 6-0-imik ajorsareerlutik, kalaallit unammisartui marlunngormat ajorsarujussuarput.
Tassami ikinngutigiittut unammineq Tjekkiamiut unammisartuinut 16-3-imik ajorsarput, tassani illoqarfiit pingaarnersaanni Pragimi unammineq pivoq.
Unamminerup immikkoortuani siullermi Tjekkiamiut 6-0-imik siuaqqareerput, unamminerullu immikkoortuata aappaani aamma taamatut ingerlavoq, tassani Tjekkiamiut periarfissarsioqattaarlutik piumasaannarminnik isertitseqattaarput.
Atuaruk: Tjekkiap futsalimi Kalaallit Nunaat 6-0-mik ajugaaffigaa
Inernera kusassaraat
Kalaallilt unammisartui ataasinngornermit unamminermit tunuarsimanerullutik arsarput, akeqqatik arsaleritippaat namminnerlu periarfissanik pilersitsinaveertarlutik.
Unamminerup naammassiartornerani Tjekkiamiut målmandiat siuaqataasaqattaarpoq, tassanilu Kalaallit Nunaat isertitsinissaminut periarfissaqalerpoq. Pingasunillu isertitsillutik iluatsippaat.
Markus Jensen, Ari Hermann kiisalu Katu Madsen isertitsisuupput.
Unammisartut maanna Københavnimiipput, aqagulu sisamanngornermi angerlassapput.