Skip to main content

Oqaluttuarisaanermut pingaarutilik: Iranimut pillaatit atorunnaarsinneqarput

Iranip naammagisimaartorujussuuvaa nunanit tamalaanit pillaatigisat kiisami atorunnaarsinneqarmata, tamatumunngalu pissutaavoq pissaanilissuarnik arlalinnik atomi pillugu isumaqatigiissuteqarneq

Præsident Hassan Rouhanip nuannaarutigaa nunarsuarmiut ataatsimooqatigiinnerannut peqataaleqqikkamik.

– Uagut Iranimiut nunarsuarmiunut assavut isaassimavagut ikinngutigiinnermut takussutitut, akerariinnermillu pasilliisarnerillu tunuppavut. Iranip nunarsuullu sinnerata akornanni pissutsini kapitali nutaaq atulerparput.

Ersigineqassanngilagut

– Iranip ikinngutai nuannaarput, unammillertaallu ernumassutissaqanngillat. Naalakkersuisunut kikkunnulluunniit imaluunniit naalagaaffimmut sumulluunniit ulorianartorsiortitsinngilagut, nunami tassani nutaarsiassaqartitsivik Irna naapertorlugu isumaqatigiissummut oqaaseqaatitut taamatut oqarpoq.

Tamatuma saniatigut Rouhanip oqaatigaa isumaqatigiissut atorniarini Iranip uuliamik isumalluutikinnerulernissaanut aalloriarfittut.

Atomi pillugu isumaqatigiissut siullerpaamik isumaqarpoq Iran uuliamik nunarsuarmi tuniniaavimmi tuniniaaqqilersinnaasoq. Uuliap Nordsømeersup nappartamut akia tallimanngormat 29 dollarsiinnarnut apparpoq.

Aningaaseriviit tatineqarunnaarput

Tamanna peqatigalugu nunarsuarmi tamarmi pisuussutit dollarsinik milliardillit iperagaaqqipput, pillaanerit pissutigalugit tunniuteqqusaajunnaarsimagaluartut, taamatuttaarlu nunat allamiut ingerlatsiviisa iranimiut niueqatigeqqilersinnaavaat.

Isumaqatigiissummut ilassutitut amerikarmiut tallimat tigusaasimasut iperagaapput, taakkualu ilagaat Washington Postimi tusagassiortoq Jason Rezalan.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER