akitsuutit
Sulisitsisut mamakujuttunut akitsuutinut taarsiivigeqqupput
Mamakujuttunut akitsuutit qaffannerat pisiniarfinnut millionilikkaanik annaasaqarfiupput, tamannalu pissutigalugu Sulisitsisut Peqatigiiffiat Namminersorlutik Oqartussat taarsiissuteqaqquaat
Ingerlatsivinnut ajornartorsiuteqartitsivoq akitsuutit qaffanneqarnerannik inatsit nutaaq kingumoortumik aggustip 20-annit 2015 atuutsinneqalernera, Sulisitsisut Peqatigiiffianni siunnersorti Lars Krogsgaard-Jensen oqarpoq.
Pisiortoreersimapput
Taanna nassuiaavoq pisiniarfiit ilaat tunisassianik akitsuutinik qaffaaffigineqarsimasunik pisiortoreersimasut tuniniaanissamullu ussassaarutinik naqiterisitsereersimasut tamakkualu akissaat saqqummiutereerlugit, taamaattumillu maanna tamakku annaasaqaatigigaat.
Kalaallit Nunaanni Brugsenip naatsorsuutigaa mamakujuttut akitsuutaannaasigut 1,5 aamma 2 millioner koruunit akornanni annaasaqassalluni, KNI-lu naatsorsuutigigaa mamakujuttut akitsuutaannaasigut aamma 1,6 million koruunit missarpiaannik annaasaqassalluni.
– Iluanaarutissaat akitsuutinit nungunneqassapput, Lars Korgsgaard-Jensen oqarpoq.
Sermitsiaq normu 51-imi atuaruk Sulisitsisut Peqatigiiffiata taarsiivigineqarnissamik qinnuteqaamminut tunngavilersuutai. Aviisi pisiniarfimmi imaluunniit ataani linki toorlugit pisiarisinnaavat