Skip to main content

Arraa! Mamakujuttunut akitsuut nutaaq kingumoortumik atuuttoq

KNI mamakujuttunut akitsuutinut 1,6 millionit koruunit annaassavaat, aamma Brugseni 2 millionit koruuninik annaasaqassaaq

Mamakujuttunut, qummoroortaatinut, sunoorsinut aamma sukuluunut akitsuutit qaffattut naalakkersuisooqatigiit akuersissutiginninnerannit ingerlaannaq atuutilinngillat, kisiannili aasaaru aggustip 20-ni, Naalakkersuisut inatsisissatut siunnersuummik saqqummiussaattut.

Tamatuma kinguneri Sermitsiami ullumi saqqummertumi atuarneqarsinnaapput.

Akitsuutit nutaat atulerneri qaamatinik sisamanik kingumoorlutik nalinginnaasuunngilaq, niuertarfiillu ukioq manna isertitaannut aningaasanik annertuumik annaasaqaataassapput.

– Akitsuutinit kingumoortumik qaffaasoqarsinnaanera uatsinnut tupaallannartuuvoq. Tamanna uanga nalinni siornatigut misiginngisaannarsimavara, Brugsenimi pisortaq, Susanne Christensen Sermitsiamut oqarpoq. 

Atuaruk: Aajuna akitsuusersuineq 'annikitsoq'

Piffissami angalasinnaanngitsut
Mamakujuttunut akitsuutaannaap nassatarisaanik, Brugsenip naatsorsuutai 1,5 - 2 millionit koruuninik ajorseriassapput, KNI mamakujuttut pissutigalugit 1,6 millionit koruuninik ajornerusumik naatsorsuuteqassaaq, pisiniarfinnut akitsuutinik akileqquneqartussanit pisuullutik, saniatigullu maanna tuniniarneqareersut akiisa qaffanneqarsinnaannginneri pissutaalluni.

Naalakkersuisut akitsuusersuinerisa kinguneri Sermitsiami uani sapaatip-akunnerani allaaserineqartumi atuakkit, uani PDF-filitut imaluunniit pisniarfinni pisiarineqarsinnaavoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER