Skip to main content

Naak qalerallit?

Roayl Greenlandip Qasigiannguani qaleralinnik suliffissua tunisassiassaaleqivoq. Aali Qeqertarsuup Tunuani qaleralittassat amerlanerujussuugaluartut

– Sulifissuaq politikkikkut tunngaveqarluni pilersinneqarsimavoq. Maanna pissutsit taamaatsillugit politikkikkut akuleruttoqartariaqarpoq. Iluaqutaanngilaq suliffissuup tunisassiassanik pilersorneqannginnera.

Taamatut oqarpoq Inatsisartunut ilaasortaq Qasigiannguaneersoq Jess Svane, tassani Royal Greenlandip tunisassiassaaleqineq pissutigalugu sulisut 30-it soraarsissimallugit.

Unammillerti

Suliffissuaq qaleralinnik tunisassiortuuvoq, tupigusuutigineqarporlu suliffissuaq tunisassiassaaleqimmat, qaleralittassat ukioq manna aappaagumullu 9.200 tonsiugaluartut.

Nassuiaatissalli ilagaat Royal Greenlandip unammillertaa Polar Seafood, taanna Aasianni qaleralinnik tunisassiulersimammat.

Politikkikkut akuleruttoqarli

– Siusinnerusukkut avataasiorluni qaleralittavut nunamut tulaanneqartussat Qasigiannguanut usiginartarsimavagut. Maanna pisavut Aasianni nammineq suliffitssuaatitsinnut tulaattalerpavut, Polar Seafoodimi siulersuisut siulittaasuat Henrik Leth oqarpoq.

Jess Svanelli politikkikut akuleruttoqarnissaa aalajangiusimavaa.

– Royal Greenlandimi qullersat pissutsit malillugit pilersaarusiortariaqarsimagaluarput, qalerallit qerisut Kalaallit Nunaannit annissornagit, Jess Svane oqarpoq tikkuarlugulu Avannaani nunaqarfinni tigusinissamut ajornartorsiuteqartoqartoq.

Allaaserisaq tamaat AG-mi sapaatip akunnerani saqqummersumi atuaruk. Aviisi pisiniarfimmi imaluunniit ataani e-avisitut pisiarisinnaavat:

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER