Kuannersuarni piiaaffik piviusunngornissaanut qanilliallattoq

- Tusarniaanermut akuersissutit arlallit naammassineqarput, maanna ingerlaqqissinnaanngorpugut.

Australiamiut suliffeqarfiutaat marlunngormat taama nalunaaruteqarpoq, taanna Kujataani aatsitassat qaqutigoortut saffiugassartaannut aamma uranimik piaaffimmik angisuumik pilersaaruteqarpoq.

Atuaruk: GME-p aatsitassarsiornissaa naatsorsuutigisamit akikinnerussaaq

Kuannersuarni suliniutit tusarniaanernik siusinaarluni tusarniaanissaq sioqqullugu innuttaasunik ilanngutsitsisut, piaaffinnik pilersaarutaasunut sanilliullugu siullersaraat.

Pappiaqqat arlallit akuerineqartut
Pappiaqqat GME-meersut arlallit Naalakkersuisut akueraat, tusarniaanerit taaguuteqartut 'public pre-hearing white paper' aamma 'terms of reference'.

GME maanna aningaasaliisussaminik nassaarnissani amigaatigaa, taakku koruunit milliardit qulingiluanik amerlassuseqarput, piaaffimmullu pilersaarummut atorneqassallutik.

Suliffissat amerlasuut
Maannamut pilersaarutinut ilaavoq, Nunatsinni aatsitassanut suliarinniffissamik pilersitsinissaq, aammalu pilersaarutip taannartaa iluatsissappat, sulisussat amerlanerulerneranik kinguneqartitsissaaq.

Septemberip aallartinneqarani GME-p saqqummiuppaa, Narsap eqqaani piaaffimmik pilersaarutip assinganik mikinerusumilli, Australiami misileraalluni sanaartortoqarmat iluatsissimasoq.

Assit takukkit: Campus Kujallermi qinngornernik sammisaqartut