akinik qaffaaneq
Mamakujuttunut akitsuut marloriaatinngussaaq
Inatsisartut aalajangiipput mamakujuttunut akitsuut marloriaatinngortinneqassasoq, taamatuttaarlu qummoroortartut, sunoorsit sukuluullu akitsuutaat qaffassapput
Ilaqutariit juullikkunni mamakujuttortugassaat massakkut pisarineqassapput.
Sapaatit akunnialunngui qaangiuppata akit qaffasinnerusut nutaat atuutilissappput, Naalakkersuisut akitsuutinut ataatsimut siunnersuutaasa kingunerisaanik.
Akitsuutit nutaat
Aappaagumut aningaasanut inatsimmi, tallimanngormat unnukkut akuersissutigineqartumi, ilaapput mamakujuit akitsuutaasa pioreersut marloriaatinngortinneqarnissaat, kiisalu qummoroortartut, sunoorsit sukuluullu annertuumik akitsuuserneqassapput.
Qanoruup oqaluttuaraa KNI-p Brugsenillu akinik qaffaannginnerminni inatsisip ulloq atuutilerfissaa, namminersorlutik oqartussanit suli utaqqigaat.
Akitoqqat suli atuupput
Tamanna pitinnagu tassa atuisartut akitoqqat atorlugit mamakujuttusisinnaapput.
Sapaatit akunneri 2-3 qaangiuppata akit qaffanneqassapput.