Skip to main content

Meeqqat Ikiortigit-mut 1 million koruunit missarpiaat katersorneqarput

Aningaasat meeqqanut inissinneqarsimasunut ilaqutaannullu nutaamik suliniummut atorneqassapput

1.023.000 koruunit.

Aningaasat taama amerlatigisut Meeqqat Ikiortigit Red Barnet Grønlandimut katersorneqarput, arfininngormat oktobarip 31-anni KNR-kut toqqaannartumik nuna tamakkerlugu katersuiniartoqarmat.

Angerlarsimaffeqassapput

Nuna tamakkerlugu katersuiniarnermi qulequtarineqarpoq ´Meeqqat tamarmik angerlarsimaffeqartariaqarput´.

Nunalu tamakkerlugu katersuiniarnikkut Meeqqat Ikiortigit sammitinniarpaa pitsaasumik angerlarsimaffeqarneq meeqqanut qanoq pingaaruteqartigisoq.

Angerlarsimaffik pitsaasoq assigiinngitsorpassuarnik iluseqarsinnaavoq. Assersuutigalugu meeqqat inaanni najugaqartotqarsinnaavoq, angajoqqaarsiani imaluunniit ilaquttani, meeqqap angajoqqaarinngisaani.

Angerlarsimaffimmi sinaakkutassanik pilersitsisoqartassaaq meeqqap ineriartorneranik inuulluarneranillu qulakkeerinnittumik, peqatigiiffik erseqqissaavoq.

Nutaamik suliniut

Nuna tamakkerlugu katersuiniarnikkut isertitat atorlugit Red Barnet kissaatigaa suliniummik aallartitsiniarluni, ilaqutariit meerartaallu inissinneqarsimasut pitsaasunik misigisaqaqatigiinnissaat siunertaralugu.

Meeqqanut inissiisarfiit peqatigalugit Meeqqat Ikiortigit meeqqat inissinneqarsimasut sinaakkkutassanik pitsaasunik atugassaqartikkusuppai, sapaatit akunnerisa naanerini angajoqqaavitik peqatigigaangamikkit.

Peqatigiiffiup tikkuarpaa angajoqqaanut meeqqanullu peqatigiittarnissaq pingaaruteqartoq - piffissami tatigeqatigiiffiusumi misigisaqaqatigiiffiusumilu, taamaasilluni meeqqat angajoqqaallu kigaatsumik imminnut qanilliartorisnnaallutik.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER