Skip to main content

Inuusuttut meeqqat atuarfianit anereerlutik unittoortartut amerlavallaaqaat

Kommunit suliffissarsiuussisarfii aammalu siunnersuinermik piginnaanngorsaanermillu centeri Piareersarfik Naalakkersuisut kattuppaat

Juunimi Atuarfitsialammi atuartut 715-it meeqqat atuarfiannit naggataarnersiorput, ullumikkulli tamakkua affaannaat ilinniakkamikk aallartitsisimapput.

Inuusuttullu ilinniagaqarneranik kisitsisit takutitsisut taakkua - 2015-imi meeqqat atuarfiannit anisut 54 procentiisa - ineriartorneq ernumanartoq takutippaat: Atuartunit 715-init 93-it ilinniarnertuunngorniarfimmi aallartissimapput pingasullu inuussutissarsiutinik ilinniagaqalersimallutik, 290-illu efterskolimi ingerlaqqipput, tassani siullerpaamik meeqqat atuarfianni ilikkagassaralutik ilinniassallugit.

Kisitsisit ernumanartut

Tamakkualu 46 procentii - tassa atuartut 329-it ilinniakkamik aallartitsisimanngillat.

Partii Naleqqameersup Anthon Frederiksenip paragraf 37 naapertorlugu apeqqutaanut akissuteqarluni taamatut paasissutissiivoq ilinniartitaanermut, kultureqarnermut, ilisimatusarnermut ilageeqarnermullu Naalakkersuisoq Nivi Olsen

Inuusuttut taama amerlatigisut meeqqat atuarfiannit anereerlutik ingerlariaqqissimannginnerat Naalakkersuisup ernumanartoqartippaa, taannalu Inatsisartut ukiakkut ataatsimiinneranni inatsisissatut siunnersuumik saqqummiussivoq, tassuuna kommunini suliffissarsiuussisarfiit aamma siunnersuinermik piginnaanngorsaanermillu centeri Piareersarfik illoqarfinni 17-ini tamanani ataatsimut suliffissarsiuussinermut, siunnersuinermut piginnaanngorsaanermullu centerinngortinniarlugit.

Oqaluttuaq tamaat Sermitsiami saqqummersumi atuaruk, taannalu pisiarisinnaavat uani:

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER