Skip to main content

WWF-ip National Geographic-illu Lars Ice Area suleqatigiissutigaat

WWF-p aamma National Geographic Society-p peqatigiillutik maanna Issittumi sumiiffiit pingaarnersaasa ilaat, Last Ice Area, kalaallisut ´Immap sikua kingulleq´, nunarsuarmiunut sammilersinnialerpaat

Last Ice Area tassaavoq Canadap issittortaata avannaani qeqertat Nunattalu avannarpiaata akornanniittoq, immallu sikuanik eqqoriaanerit malillugit tamaani aasaanerani immap sikuata silap pissusiata allanngoriartornera sivisunerpaamik attassinnaavaa.

Satellitsikkut alapernaarsuineq aallartimmalli aasaanerani immap sikua ukiut qulikkaarlugit 12 procentit missaannik annikilleriartarsimavoq. Ineriartorneq tamanna ingerlaannassappat imaassinnaavoq kinguaariit ataatsit ingerlanerinnaanni aasaanerani immaq sikoqartarunnaassasoq.

– Last Ice Area nunarsuarmut tamarmut pingaaruteqarpoq. Uumasut, soorlu qilalukkat qernertat, aarrit nannullu immap sikua isumalluutigaat qasuersaarnissaminnut, nerisassarsiornissaminnut amerliartornissaminnullu, WWF-ip oqaaseqartua Clive Tesar tusagassiorfinnut nalunaarutikkut oqarpoq.

– Aasaanerani immap sikua imarlu ataaniittoq aamma uumasuaqqat immallu naasuisa amerlasuut pilerfigisarpaat, tamakkualu uumasut anginerit uumassutigaat. Uumasut, inuit inuuniarnermikkut tunngavigisaasa kulturiatalu ilaat, taanna nangilluni oqarpoq.

Qaanaaq

National Geographicip suliniutaadta ´Pristine Seas´-ip, National Geographicip ilisimasassarsiortartuanit Dr. Enric Sala-mit siuttuuffigineqartup, maanna WWF peqatigalugu aasaanerani immap sikuata ulorianartorsiornera sammitinnialerpaa, uppernarsarlugulu inuit kulturiat tamassuma immikkuullarissusianik uumasuinillu immikkut ittunik qanoq isilluni  ineriartorsimanersoq.

Qaanaamut ilisimasassarsiorluni angalanermi ´Pristine Seas´-imik suliniutillit, tamaani uumassuseqassusia inuillu ulluinnarni atugaat ileqquilu filmiliaraat, taamanikkullu aamma avanersuarmiut avatangiisit allanngornerannik isumaat immiunneqarput.

Baffin Island

Pristine Seas-imik ingerlatsisut aamma Canadap avannaani Baffin Islandimut ilisimasassarsiorsimapput.

– Issittumi uumasut uungaralaarsuaq tikittarpavut filmiliaralugillu, siusinnerusukkut taamatut filmiliarineqarsimanngisaannartunik. Tamatuma saniatigut inuit piniariaasitoqaat filmiliaraavut, Enric Sala oqarpoq.

– Immalli sikua milliartortillugu tamanna aamma allanngussagunarput. Allannguutit tamakkua erseqqinnerusumik misissorniarpavut, paasiniarlugu tamanna innuttaasunut avatangiisaanullu isumalluutigisaannut, qanoq sunniuteqarnersoq, taanna oqarpoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER