Skip to main content

Aalborgimi kalaallit inuusuttut arlaqartut angerlarsimaffeqanngitsut

Danmarkimi illoqarfimmi eqqartorneqartumi inuusuttut sisamaagaangata ataaseq kalaaliusarpoq. Kommunip Nuummiinnermini ilaatigut ajornartorsiut eqqartorneqarpoq

Aalborg Kommunep Nuummi nittarsaassinerani inunnik 65-nit peqataaffigineqarpoq, tamanna aggustip qulingiluaannit 13-at ilanngullugu ingerlanneqarpoq. 

Danmarkimi kommunip kalaallit angerlarsimaffeqanngitsut pillugit ajornartorsiut Kommuneqarfik Sermersooq oqaloqatigineqarpoq. 

Arlaqartut
- Kalaallit Aalborgimut nuuttut arlaqartut soriaqqiffeeruttarput. Misissuisitsisoqaqqammernerani paasineqarpoq, angerlarsimaffeqanngitsut sisamaagaangata kalaaliusartoq ataaseq 25-t ataallugit ukioqartoq. Aamma kalaalerpassuit pisortanit aningaasalersorneqartuupput, Aalborgip Kommunianit Mai-Britt Iversen tusagassiutinut nalunaaruteqarpoq. 

Pilersaaruteqartoqanngitsoq
- Aalborgimut nuuttorpassuit pilersaaruteqarnatik nuuttarput. Danmarkimut nuunnissamut tamanna tulluartuunngilaq. Tamanna aaqqiiviginiarlugu iliuuseqarpugut. Kalaallit Danmarkimut nuukkaangata paasissutissanik tunineqartalerput. Paasissutissat amerlanerulersinniarlugit Kommuneqarfik Sermersooq suleqatiginiarparput, oqarpoq. 

Atualerneq
Kalaallit Danmarkimut atualerniartut ingerlalluartuugaluaraangataluunniit ilinniarnermik aallartitsinermi ajornartorsiuteqartartoq oqaatigineqarpoq. Allattariarsornikkut ilinniagassalerinissanut kiisalu atuarfimmut tunngasunik ajornartorsiuteqartoqartartoq oqaatigineqarpoq. Tamannalu pillugu Kommuneqarfik Sermersooq oqaloqatigineqassaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER