Skip to main content

Angutit isikkamik arsaannermi pissartanngorniunnerat ullumi aallartissaaq

Unammersuaarneq Qasigiannguani ingerlanneqartoq timersoqatigiiffinnit arfineq pingasunit peqataaffigineqarpoq

Isikkamik arsaannermi angutit pissartanngorniunnerat Qasigiannguani ingerlanneqartoq ullumi ataasinngornermi aallartinneqassaaq. 

Unammisaqattaarnermi aaqqissuisut, Kugsak-45 GM-imi unammeqqaartuussapput, Sisimiunit SAK unammissallugit nalunaaqutaq 13.00.

Aasiannit T-41 aamma ukioq kingulleq pissartaasut B-67 nalunaaqutaq 15.00 unammissapput, kiisalu Uummannamit FC Malamuk aamma Qeqertarsuarmit G-44 nalunaaqutaq 17.00 unammissallutik. 

Qaqortumit K-33 aamma Nuummit IT-79 ullumi kingulliullutik unammissapput. 

Puljeni ingerlaqqittut marluussapput, taakku pissartanngorniunnissamut anngunniutissallutik. Ingerlaqqinngitsoortut aamma inissinniutissapput. GM arfininngorpat naammassissaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER