Skip to main content

Dronningip pulaarnissaanut Ippiarsuk piareersarpoq

Nuummi utoqqarnik paaqqinnittarfik sammisaqartitsivillu Ippiarsuk marlunngornermi dronning Margrethep pulaarnissaanut piareersarpoq, ilaatigut kunngip pulaarnissaanut naggataamik sungiusarlutik

Nuummi utoqqarnik paaqqinnittarfik sammisaqartitsivillu Ippiarsuk ullumi pingasunngornermi nalunaaqutaq 14.00 dronning Margrethep pulaassavaa. Ippiarsummi najugallit sulisullu kunngip pulaarnissaanut piareersarluarsimapput.

– Illup iluani silataanilu eqqiaavut kaagiliortlutalu - illulu tipigeqaaq, Ippiarsummi sammisaqartitsivimmi centerimilu pisortaq Amalie Pedersen oqaluttuarpoq.

Paaqqinnittarfimmi sammisaqartitsivimmilu Ippiarsummi sulisut najugaqartullu dronningip pingasunngornermi sivikitsumik pulaarnissaanut marlunngormat  piareerasarlutillu naggataamik sungiusarsimapput.

– Dronningip Margrethep pulaarnerani naggataamik piareersarnitsinni pisariaqartut pisussallu tamaasa piareersarpavut. Qilanaaqaagut Ippiarsummullu pulaarnissaminnik aalajangersimanerat nuannaarutigeqaarput Amalie Pedersen Sermitsiaq.AG-mut oqaluttuarpoq.

Nunatsinni sivisuumik angalanerup naggataarneqarnera

Dronning Margrethep paaqqinnittarfimmi ilaatigut innuttaasunut inuusunnerusunut innarluutilinnut immikkoortoqarfittaaq qanittukkut atoqqaarfissiorneqartoq pulaassavaa.

Kunngikkut Kalaallit Nunaanni aasaanerani angalanerat ullumi pingasunngornermi Nuummi naggaserneqassaaq. Dronning Margrethe uialu Prins Henrik marlunngormat Nuummut tikipput, ulloq taanna Inatsisartut Naalakkersuisullu ataatsimeeqatigilaariarlugit Naalakkersuisut Hotel Hans Egedemi nerersuartitsineranni peqataallutik.

Pingasunngornermi nalunaaqutaq 10.00 kunngikkut Nunatta Katersugaasivata ataatigut tikittut, pisortatigoortumik Nuummut tikilluaqquneqarput, inuppassuillu tikilluaqquseqataapput. Ullumi pisussat naggataarlugit kunngikkut Kunngip umiarsuaani Dannebrogimi nalunaaqutaq 19.00 ilassinnissapput.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER