Skip to main content

Dronningip Thetisimi inuttat qutsavigigai

Ataqqinartorsuakkut tikeraarnerminni sunngiffeqarnerminni Thetis pulaarpaat inuttallu Kalaallit Nunaata imartaani ingerlalluarnissaminnik isumaginninnerat pillugu qutsavigalugit

Ataqqinartorsuakkut Kalaallit Nunaanni angalagaangamik Dannebrog angallatigalugu sinerissami nunaqarfinnut illoqarfinnullu tikeraartarput.

Kalaallit Nunaata imartaani ilaatigooriarluni sikorasaarsinnaasartumi angalanerminni tamatigut umiarsuarmik nakkutilliissummik politiillu angallataannik ingiallorteqartuaannartarput.

Thetis politiillu angallataat Sisak aamma Sisak IV Dannebrogimut ukioq manna ingiallortaapput.

Ataqqinartorsuakkut tikeraarnerminni ippassaq arfininngornermi sunngiffeqarput, ataqqinartorsuakkullu umiarsuaq ingiallortaasoq Thetis pulaarniarlugu aalajangerput inuttallu ingiallortaanerannik qutsavigalugit.

Umiarsuarmi inuttat tamarmik kusanarnerpaanik uniformilersorsimapput ataqqinartorsuakkullu umiarsuup aquani tikilluaqqunissaannut piareersimallutik.

Ataqqinartorsuakkut Thetisimut pulaarneranni Dannebrog umiarsuarlu ingiallortaasoq Kangaamiut eqqaanni Kangerlussuatsiamiipput.

- Prinsilu inuttat qutsavigerusuppavut Kalaallit Nunaata imartaani angalalluarnissatsinnik annertuumik iliuuseqarsimanerat pillugu. Neriuppunga aamma taakkununnga nuannersumik misigisaasimassasoq. Nalunngilara Dannebrog malinnaavigeqqissaartaraat, aamma prinsilu nioreeraangatta. Neriuppunga angalaqqinnerput taakkununnga nuannersuussasoq, dronningi inuttanut oqarpoq.

Ataqqinartorsuakkut oqalugiartoqareermat Thetisimi naalakkamit, kommandørkaptajn Mogens Maschorekimit aamma orlogskaptajnimit tullersortiminillu Claus Gudbjergimit, angallanneqarput.

Ataqqinartorsuakkut ullumi Kangaamiunut tikeraassapput aqagulu ataasinngornermi Maniitsumut ingerlaqqissallutik.

Kangaamiuni Maniitsumilu tikeraarnissamut pilersaarutit paasissutissani atuakkit aasaanerannilu angalanermut pilersaarutit tamakkerlugit ilanngunneqarput.

Ataqqinartorsuakkut nunatsinni tikeraarnerannit allaaserisat assilisallu arlaqarnerusut uani atuakkit

Assit matuma ataaniittut isiginnaakkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER