Skip to main content

Nunaqarfinni erngup pitsaassusia ilisimaneqanngilaq

Nukissiorfiit nunaqarfinni arlalinni erngup pitsaassusia ukiut marluk sinnerlugit misissorsimanngilaa

Nalinginnaasumik ilisimaneqarpoq illoqarfinni nunaqarfinnilu arlalinni erngup pitsaassusia nikerartorujussuusinnaasoq.

Ilisimaneqannginnerusoq tassaavoq Nukissiorfiit nunami sumiiffippassuarni erngup pitsaassusianik akuttunngitsumik misissuisannginnera.

Qanorooq taamatut oqaluttuarpoq.

Nunaqarfiit siulittaasuat qisuariarpoq

Nunaqarfippassuit imeqarfiinit mikrobiologiskimik misissuisoqartarsimanngilaq, tamannalu nunaqarfiit peqatigiiffiata Kanunupe-p siulittaasuata Hans Kristian Terkelsenip pakatsissutigaa.

– Tupannaqaaq akuerineqarsinnaananilu, taanna Qanoruumut oqarpoq.

– Kissaatiginaraluarpoq imeqarfiit tamarmik ukiumut ikinnerpaamik marloriarluni misissuiffigineqartarnissaat. Tamanna nunaqarfimmiut pisariaqartippaat, inuiaqatigiinnummi aamma ilaapput.

Ukiunut 2011-13-imut erngup pitsaassusaanik nalunaarusiap takutippaa nunaqarfinni arlalinni erngup pitsaassusia ukiut marluk sinnerlugit misissorneqarsimanngitsoq, Nukissiorfiit pisussaaffeqaraluartoq mikrobiologiskimik misissuisarnissaminut.

Ikittuinnaat misissorneqarput

2012-imi nunaqarfiit 37 procentiinnaasa erngata pitsaassusia Nukissiorfiit misissorsimavai.

Nukissiorfinni nassuerutigineqarpoq ukiuni 2011-13-imut misissuinermik ingerlatitsinerlussimallutik.

– Soorunami tamanna naammaginanngilaq, Nukissiorfinni immikkoortoqarfimmi pisortaq Peter Wenzel Kruse Qanoruumut oqarpoq.

Taassuma misissuisarnerit nikerarnerujussuannut nassuiaatigaa sumiiffiit ilaanni silarluttarsimanera, tamannalu pissutigalugu misissugassat piffissaatillugu Danmarkimi laboratoriamut anngunneq ajorput.

Illoqarfinni angisuuni misissueqattaarnerit

2014-imi nalunaarusiap saqqummiunneqarnerata kingorna imermik pilersuinermik ingerlatsiviup misissugassatut pilersaarutimi 86 procentii ingerlassimavai.

2015-imi Nukissiorfiit pilersaarutigaa imermik 160-it missaannik misissuiniarluni, tamakkua ilarpassui illoqarfinni anginerusuni misissueqattaartarnerussallutik.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER