Skip to main content

Greenland Express Airip aallarnissat tamaasa taamaateqqippai

Aallarnissat tamarmik juulip 27-ata tungaanut taamaatinneqarput. Timmisartortitseqatigiiffik neriorsuivoq itisiliisumik nassuiaateqarumaarluni, unammilligassat nutaat qaangerneqareeriarpata

– Asasakka Greenland Expressimik angalasut. Ajuusaarutigeqalugu Danmarkip Kalaallillu Nunaata akornanni timmisartuussinissat tamaasa 2015-imi juulip 27-at ilanngullugu ajoraluartumik taamaatiinnartariaqarpavut.

Greenland Express Airip ilaasuinut mailimi taamatut allassimavoq. Maili ataasinngormat qallunaat nalunaaqutaat malillugu nal. 22.05 ilaasunut nassiussuunneqarpoq.

Greenland Air Expressip mailimi nassuianngilaa taamaatitseqqinnermut suna pissutaanersoq, oqaatigaluguli ´billetsinut akiliutit, kreditkortselskabimit aningaaserivimmilluunniit, billetsimik pisinermi atorneqarsimasumit piaarnerpaamik utertinneqassasut´.

Gert Braskip timmisartortitseqatigiiffia naapertorlugu tamatumunnga ullut suliffiusut pingasuniit arfinilinnut amerlassusillit atorneqassapput.

Akeqanngitsumik angalanissamik neriorsuivoq

Billetsit pisiarineqarsimasut akiisa utertinnissaata saniatigut Greenland Express Airip ilaasut attorneqartut neqeroorfigai timmisartorfissamut toqqarneqarsimasumut akeqanngitsumik angalanissamik, kingusinnerusukkut atorneqartussamik.

– Unammilligassat, sapaatit akunnerini aggersuni timmisartuussinissamik pilersaarutitta ingerlannissaannik aporfigisavut akunnerni makkunani ataavartumik aaqqiissutissarsiorpavut. Unammilligassat tamakkua qaangerneqaannavissut itisiliisumik nassuiaateqarumaarpugut, Greenland Express Air mailikkut paasissutissiivoq, tassuunalu aamma taamaatitsinerit timmisartortitseqatigiiffiup ajuusaarutigaa.

Kinguaattooqattaarnerit

Greenland Express Airimut aallartisarniarneq sakkortusimaqaaq, taassuma piffissami sivisoorujussuarmi unammilligassat assigiinngitsorpassuit sorsuutigisimammagit, assersuutigalugu aningaasaqarneq, timmisartumi inuttassaaleqineq, suleqatissaaleqineq akuersissutissarpassuillu, kiisalu oqartussaasut kukkusarsimanerat.

Greenland Express Airip timmisartua siulleq Fokker 100, Hollandimi timmisartortitseqatigiiffimmit Denim Air ACMI-meersoq, 2014-imi juunip 17-ianni Danmarkip, Islandip Kalaallillu Nunaata akornanni ilaasunik timmisartuusserngaarluni Aalborg Lufthavnimit aallarpoq.

2014-imi ikittuinnarnik timmisartuussereerluni timmisartortitseqatigiiffik ´unikkallarpoq´, niuernermi periarfissat nalilersorniarlugit.

Pilersaarut nutaaq malillugu ukioq manna juulip aappaanni aallarteqqinniarpoq, pilersaarutilli juulip aallaqqaataani kinguartinneqarput, tassa timmisartuussinissat tamarmik juulip 14-iat tikillugu taamaatinneqarmata.

Taavalu juulip 13-ianni pilersaarut nutaaq aamma kinguarteqqinneqarpoq, tamannalu pissutigalugu Greenland Express Air ukioq manna suli timmisartuussinngilaq - siusinnerpaamillu juulip 27-anni timmisartuussisussanngorluni.

Greenland Express Airip pisortaanera Gert Brask Sermitsiaq.AG-mit sivisuumik apersorneqarumasimanngilaq. Qaammat manna siusinnerusukkut aamma taamatut nalunaarpoq. Sermitsiaq.AG-p Greenland Express Air oqaloqatiginiartuaraluarpaa.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER