Skip to main content

Qeqqata Kommunia nutaanik pisortartaarpoq

Kommuneqarfimmi immikkoortortaqarfiit marluk nutaanik pisortaqalerput

Aningaasaqarnermut pisortatut atorfeqalertussanngorpoq Claus Espersen, juunip aallaqqaataanit atorfittaaminut suliartussalluni. 

Claus Espersen cand.polititut ilinniagaqartuuvoq aammalu Naalagaaffiup kukkunersiuisoqarfianit aamma Namminersorlutik Oqartussani ilinniartitaanermut ilaqutariinnermut naalakkersuisoqarfimmit sulianut misilittagaqarluarpoq. 

Qeqqata Kommuni tusagassiutinut nalunaaruteqarpoq. 

Taamaalilluni Claus Espersen Qeqqata Kommuniani, kommunit kattussuunneqarnerisa kingornali ilinniartitaanermut ilaqutariinnermullu immikkoortup iluani ineriartortitsinermut atatillugu aningaasaqarnermik aqutsinermik sukannersumik ukkataqarnikuusumut aningaasaqarnermut pisortatut pitsassuarmik tulluarpoq.

Pisortaalersup aappaa
Annga Lynge 2015-imi juunip aqqarngani Sisimiuni ilinniartitaanermut pisortatut atorfinissaaq. Annga Lynge kalaallisoornermi BA-mik, filmvidenskab-imi MA-mik aammalu IKT aamma læring-imi MA-mik ilinniagaqartuuvoq. Annga ukiuni qulingajanni Ilinniarfissuarmi ilinniartitsisuunikuuvoq kingullermillu Kommuneqarfik Sermersuumi atorfeqarnikulluni. 

Taamaalilluni Qeqqata Kommuniani, atuilluartuunissamik pilersaarummi aammalu iPads-imik suliniuteqarnermi ilinniarnerup iluani nutaanik aqqutissiuussisumi ilinniartitaanermut pisortatut tulluarpoq. Ilinniartitaanermut systemimi tamakkiisumik tusagassiuutillu digitaliusuni nutaani ukkatarinninneq Annga Lynge-p ingerlatarivai.

Pisortat nutaat marluusut Annga Lynge aamma Claus Espersen Qeqqata Kommuniani ataqatigiissuni arlalinnik suleqataassapput. Ilaatigut Maniitsumi ilinniartitaanermut pisortaasoq Anna Heilmann ilinniartitaanermut immikkoortumi aningaasaqarnikkut aqutsineq pillugu. Ilaatigullu pisortaaqatigiinni ilaassalluni, tamatumani kommunimi immikkoortortani pisortat sinnerini qullersaqarfillu peqatigalugit kommunip aqunneqarneranut ineriartortinneqarneranullu ataatsimoortumik akisussaaqataassalluni. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER