unititsigallarneq
Idrætshøjskole unitsikkallarneqartoq
Nuummi GUX-imi pikkorinnerpaat timersornermik sammisaqarnerannit misilittakkat utaqqeqqaarallartigik, Inatsisartut isumaqarput
Kalaallit Nunaanni inuusuttunut piginnaaneqarluartunut ilinniagaqalernissaminnut piareersaatigalutik timersornermik aallusserusuttunut idrætshøjskoleqalertariaqaraliuarpoq. Atassut sinnerlugu Inatsisartunut ilaasortat, Siverth K. Heilmann aamma Steen Lynge, taama siunnersuuteqarsimapput.
- Ukiut ingerlaneranni atuagarsornikkut assassorissatigullu ilinniakkat allallu salliutinneqartarsimapput, taamaattorli inuusuttut timersornermi piginnaaneqarluartut minillugit, politikerit taakkua marluk siunnersuuteqarput.
Idrætshøjskoliliornissamik siunnersuummik suliaqarneq AC-fuldmægtigimut ukiup affaanik ilivitsumilluunniit sivisussuseqassaaq, tassa 250.000 - 500.000 koruuninik aningaasartuutaassalluni.
- Atassummit erseqqissassavarput Piareersarfiit akuersaaraluarlugit isumaqaratta inuusuttut taamatut timersornerup pingaarutilimmik ilaaffigisaanik højskolertinnissaannut pisariaqartitsisoqartoq, Siverth K. Heilmann aamma Steen Lynge oqarput.
Siunnersuutaalli Inatsisartunit Naalakkersuisunillu ilalerneqanngilaq.
Allaaserineqartoq tamaat Nuuk Ugeavisimi atuarneqarsinnaavoq. Nuummi pisut assigiinngitsut pillugit aviisimi aamma atuarneqarsinnaapput. Aviisi ataani akeqanngitsumik aaneqarsinnaavoq: