Skip to main content

Kalaallit kulturiannik saqqummersitsineq nalissaqanngitsoq

Kunngissakkut Kim Kielsenillu kalaallit kulturiat pillugu saqqummersitsinersuaq Tokyomi ammarpaat

Kalaallit kulturiat pillugu saqqummersitsineq immikkut illuinnartoq Tokyomi, qallunaat aallartitaqarfiata eqqannguani, ullumi ammarneqarpoq.

Kunngissap nuliatalu Naalakkersuisullu siulittaasuata saqqummersitsineq ammarpaat.

Saqqummersitsineq Kalaallit Nunaata Japanimi imminut nittarsaannerani "pingaarnerpaatut" isigineqarpoq, tassanissaarlu sammineqarlutik issittumut politikki aammalu kalaallit tuniniaanermut periarfissaasa siuarsarnissaat.

Kunngissakkut saniatigut japanimi prinsessit Takamado aamma Tsuguko af Takamado saqqummersitsinerup ammarnersiorneqarnerani peqataapput.

Saqqummersitsinermi tunngaviupput Osakami etnologiske museum-imit aamma Nuummit Københavnimillu nunat katersugaasiviinit eqqumiitsuliat.

Saqqummersitsinermili immikkut maluginiagassaapput prinsesse Takamodo-p tupilannik katsersugaatai, kiisalu prins Henriup kalaallit kiinarpaannik katersugaatai.

Tamatuma saniatigut Nationamuseum-ip saqqummersitsinera "Qanga - tegnet fortid", tassaasut Nuka K. Godtfredsenip Kalaallit Nunaata oqaluttuarisaaneranik imilersakkanik titartaganngorlugit nangeqattaartuliai. Atuakkap siulliup Alloriarneq Siulleq saqqummersinneqarneranut atatillugu taassuma titartagai imilersakkanilluunniit qalipagai atuakkamit tassanngaanneersut saqqummersinneqarput.

Tassa pineqarpoq kalaallit kulturiannik saqqummersitsineq nalissaqanngitsoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER