Skip to main content
KNR

Demokraatit IA aamma KNR pillugu suliaq qatsuppaat

KNR-ip anguniagaqannginnera pillugu Inuit Ataqatigiinnit Mimi Karlsen isornartorsiuisareerpoq. Tamanna pillugu Demokraatit Inuit Ataqatigiinnut qisuariaateqarput Mimi Karlsen naalakkersuisuusoq 2012-mi

- Nipiliuusakkunnaarniaritsi Inuit Ataqatigiit aamma Mimi Karlsen. 

Demokraatit politikkikkut oqaaseqartartuat Randi Vestergaard Evaldsen oqaaseqaateqarpoq. Oqaatigaa 'Inuit Ataqatigiit aalajangersimagunartoq manngertutut isumakkersimasutut illuatungiliuttuuniarluni'. 

- Demokraatini IA-tulli naammaginnginnatsigu ukiuni arlalinni KNR-i Namminersorlutik Oqartussallu angusassat pillugit isumaqatigiissusiornikuusimanngimmata. Taamaakkaluartoq IA-p Mimi Karlsenillu nipiliuusallutik naalakkersuisoqatigiinnik appisaluussinerat tusarusunngeqaara, Randi Vestergaard Evaldsen tusagassiuutinut nalunaarummi allappoq. Taamaasilluni Mimi Karlsenip KNR-imut Naalakkersuisunullu AG-mut isornartorsiuinera qisuariaateqarfigaa. 

Kultureqarnermut naalakkersuisuusoq 2012-mi
- Namminersorlutik Oqartussat KNR-illu angusassat pillugit isumaqatigiissutaat kingulleq atorunnaarpoq decembarimi 2012-mi. Taamaattumik Namminersorlutik Oqartussat (Naalakkersuisut) kiisalu KNR 2012-p ingerlaneranili angusassat pillugit soorunami isumaqatigiissuteqartussaasimagaluarput. 2012-mi KNR-imut politikkikkut akisussaavoq Mimi Karlsen (IA). Allatut oqaatigalugu Mimi Karlsen aamma IA nammineerlutik isumagisimasussaagaluarpaat KNR-p angusassat pillugit isumaqatigiissuteqarfiginissaa. Taamaattumik nipiliuusanneruvoq tunngavissaqanngitsoq Mimi Karlsenip IA-llu Naalakkersuisunngoqqammersut appisaluummatigit angusassat pillugit isumaqatigiissuteqartoqarsimannginnera pillugu, Demokraatit politikkikkut oqaaseqartartuat oqarpoq. 

Nangipporlu:

- Taamatulli oqareerlunga isumaqataavunga Mimi Karlsenip Kulturimut Naalakkersuisutut kingoraartaasa Nick Nielsenip KNR-i angusassat pillugit isumaqatiginiartariaqarsimagaluarmagu, paasineqarmalli Mimi Karlsenip suliassani sumiginnarsimagaa - tamanna ajorluinnarpoq, sulili kukkuneq pillugu Nick Nielsenip kikkunnik tamanik appisaluusseqattaarnissaa tusarliuteriaannaavoq, Randi Vestergaard Evaldsen oqarpoq. 

Demokraatinit naqissuserneqarpoq KNR soorunami Namminersorlutik Oqartussanut angusassat pillugit isumaqatigiissuteqartariaqartoq aamma naatsorsuutigaat Kulturimut Naalakkersuisup Nivi Olsenip Demokraatineersup atorfilittani peqqoreersimassagai suliaq aallarteqqullugu. 

Nivi Olsen: Suliaq pingaaruteqartoq
Sullissinissamut kiffartuussinermut KNR-imut isumaqatiginninniartoqarnissaanut piareersartoqartoq naalakkersuisoq Nivi Olsen Sermitsiaq.AG-mut ilisimatitsivoq. Suliaq pingaaruteqartuusoq aamma oqaatigaa. 

Inuit Ataqatigiinnit oqaaseqartitsiniaraluarneq suli iluatsinngilaq.

AG-mi sapaatip matumani saqqummersumi atuarneqarsinnaapput 'KNR sakkortuumik tatineqartoq' aamma 'KNR-ip pisortaata iliuusissaarulluni tusagassiorfiit saassuppai'. Aviisi ataani pisiariuk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER