Skip to main content

Takussutissaq: Ini attartortunik ima anisitsisarpoq

Inuit Ataqatigiit Inatsisartuni ilaasortitaata paragraf 37 naapertorlugu apeqquteqataanut akissummi takuneqarsinnaavoq Inip politiit inunnik isumaginnittoqarfiillu anisitsinnginnermini ataatsimeeqatigeqqaartarai

Nunatta kujataani politikerit inigisanut akiliuteqartarnermut periutsip allanngortinneqarnissaanut piumasaqartut, nunatta avannaani politikerit ineqarnermut akiitsut qaffakkaluttuinnartut pillugit isumasioqatigiittoqarnissaanut piumasaqarput. Tamanna pivoq nuna tamakkerlugu inissianik attartortut 398-it inigisaminnut attartornerminnut akiitsoqarnertik pissutigalugu Inimit anisitaariaannaasut saqqummiunneqareersorlu.

Qaasuitsup Kommuniani inunnik isumaginninnermi ataatsimiisitaliap siulittaasua, Siumumeersoq Jess Svane, aamma Inatsisartut Ilaqutariinnermut Peqqissutsimullu ataatsimiisitaliaani siulittaasup tullia, pingasunngornermi Sermitsiaq.AG-mut oqarpoq pissusissamisuunngitsoq pisortat, Namminersorlutik Oqartussat aamma kommuunit, ininik attartortitsiutigalutik ininik attartortunut ineqarnermut tapiissutit isumaginninnermilu ikiorsiissutit atorlugit, ineqartut inigisaminnut akiliummut nammassinnaanngikkaangata, akiliisariaqartarneri.

Paragraf 37 naapertorlugu apeqquteqaatinut ineqarnermut, sanaartornermut attaveqarnermullu naalakkersuisup, Atassummeersup Knud Kristiansenip Inuit Ataqatigiit Inatsisartuni ilaasortaatitaanut Juliane Henningsenimut akissuteqaataani erserpoq Inip sumiiffinni pineqartuni inunnik isumaginnittoqarfik aamma poliit ataatsimeeqatigisaraat akiitsulinnut anisitsinissartik sioqqullugu.

Tamanna pisarpoq paasiniarneqartarmat sumiiffimmi inunnik isumaginnittoqarfik attartortup akiitsuinut ikiuukkusunnersoq paasiniarlugu, akissummi tamanna erserpoq.

Uani Inip attartortunik akiligassalinnik anitsileraangami suleriaasia takusinnaavat:

  • Inip akiliisitsiniartarnermut immikkoortortaqarfia anisitsinissamut nalunaarummik nassiussisarpoq, assilinera isumaginninnermut allaffimmut attartortumullu nassiullugu. Suliami taamaattumi sulisoq ataaseq ulloq ilivitsoq atorlugu sulisariaqartarpoq.
  • Inip anisitsinissaq sioqqullugu isumaginninnermut allaffik politiillu ataatsimeeqatigisarpai. Ataatsimiinnermi taamaattumi attartortut, anisinneqarnissaminnut utaqqisut allattorsimaffiat sammineqartarpoq. Kommunip attartortoq ikiorsinnaappagu anisitsisariaqartoqassanngitsoq isumaginninnermut allaffiup Inimut nalunaarutigisinnaavaa. Suliami taamaattumi sulisoq ataaseq ullup suliffiusup affaata missaa atorlugu sulisariaqartarpoq.
  • Inip attartortoq amerlanertigut akiitsut akilersorneqarnissaat pillugu akiliisitsiniartarfimmut imaluunniit Inip najukkami allaffianut saaffiginnittarpoq. Suliami taamaattumi saaffiginnissummut ataatsimut nalunaaquttap akunnerata affap missaa atorneqartarpoq.
  • Akiliisoqanngippat Inip najukkami allaffia anisitsinermut suleqataasussaavoq, tamatumanilu nalinginnaasumik sulisut marluk, illuutinik suliaqartoq, matuersaaserfimmik taarsiisussaq allaffimmilu sulisoq ataaseq atorneqartarput. Anisitsinermut ataatsimut nalunaaquttap akunnerata ataatsip missaa atorneqartarpoq.
  • Attartortoq qinnuteqarpat inissiamut inisseeqqiffimmut inissinneqartussaavoq pigisaalu toqqorneqartussaallutik. Suliami taamaattumi allaffimmi sulisup ataatsip nalunaaquttap akunnerata affap missaa aamma illuutinik nakkutilliisup/suliaqartup nalunaaquttap akunnerata affap missaa atortarpaat.
  • Qaammatit pingasut qaangiunnerini inissiami inisseeqqiffiusumi pigisat qimatat piiarneqartussaapput. Aamma pequtit aaneqanngitsut iginneqartussaapput. Katillugit nalunaaquttap akunnerisa marluk missaat atorneqartarput

Ineqarnermut allaaserisat allat uani atuakkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER