Skip to main content

Assit takukkit: Iluliarmiut issikkaluartoq unnuk kulturisiorput

Suliffeqarfiit Ilulissani unnuk kulturisiorfimmi ammammata, aqquserngit inoqarluarput. Assit unnuk kulturisiorfimmeersut takukkit

Sila allaaqqilluni anoraa ilanngullugu minus 26,6-inik issippoq Ilulissani unnuk kulturisiorfik tiimini marlunni ingerlanneqarmat.

Aalisartoq Jonas Fly nulialu Bolette Ilulissani katersugaasiviup qaliani oqaluttuarput, pulaartut qamutit tupertallit, Ilulissat Kangiani sikumi aalisartut maannamut suli atortagaat, isiginnaaraat. 

Atuaruk: Illoqarfinni assigiinngitsuni kulturikkut unnussiortitsisarneq iluatsilluartuuvoq

Katersugaasiviullu ungasinngisaani kalaalimineerniarfimmi, Ilulissani qalipaasartoqatigiit ‘Seqineq’, kalaalimineerniarfimmi tunineqartartut qulequtaralugit qalipakkanik saqqummersitsipput.

Tamakkuupput iluliarmiut unnuk kulturisiorfimmi ilaatigut alakkarsinnaasaat Ilulissani unnuk kulturisiorfik arfineq-marluniit qulingiluap tungaanut ingerlanneqarmat. Aamma Nuummi, Sisimiuni, Aasianni, Paamiuni, Qaqortumi, Narsami, Nanortalimmi, Qasigiannguani, Ukkusissani, Upernavimmi kiisalu Qaanaami unnuk kulturisiorfik ilaatigut ingerlanneqarpoq.

Nuummi unnuk kulturisiorfik siullerpaamik 2001-imi ingerlanneqarpoq.

Sermitsiaq.AG Nuummi aamma Narsami unnuk kulturisiornermit assinik kingusinnerusukkut ilanngussissaaq.

Assit allaaserisap ataani takukkit

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER