Skip to main content

Elite Sport Greenlandimit oqaatigineqartut Niviamit paasiuminaatsinneqartut

Ujakkaartartoq Niviaq Chemnitz Berthelsen Elite Sport Greenlandimut qinnuteqaataa akuerineqarsimanngilaq 'missingersuutinik amigaateqarnera pissutaalluni'. Taamatut oqariartortoqarnera ilumuunngilaq, Niviaq Chemnitz Berthelsen oqarpoq

Ujakkaartartup Niviaq Chemnitz Berthelsenip Elite Sport Greenlandimit tapersersorneqannginnera Sermitsiaq.AG-mit juullip ukiortaallu akornani allaaserineqarpoq. 

Elite Sport Greenlandip generalsekretæria Carsten Olsen tusagassiuutinut nalunaarummi allappoq Niviaq Chemnitz Berthelsen tapersersorneqarsinnaanngitsoq 'missingersuutinik amigaateqarnera pissutaalluni'.

Elite Sport Greenlandimut paasissutissiisartoq
Taamatut oqariartortoqarnera Niviaq Chemnitz Berthelsenimit paasiuminaatsinneqarpoq. 

- Missingersuutinik nassiussisuaannarpunga, 2013-mi januaarimit aggustip tungaanut nassiussivunga, assinganik 2013-mi oktobarimit 2014-mi aasaanerata tungaanut, Niviaq Chemnitz Berthelsen Sermitsiaq.AG-mut mailimik allappoq, nassiuttarsimasanilu paasissutissatut aamma ilanngullugit nassiullugit. 

FIS-pointit 2012-mit 2013-mut angusai appariartuinnavissut takunikuuagut, Elite Sport Greenlandip generalsekretæria Carsten Olsen tusagassiuutinut nalunaarummi aamma allappoq. Taamatut oqariartornera aamma paasiuminaatsippaa. 

- Angusakka appariartorneri qanoq Carsten Olsenimit Elite Sport Greenlandimiillu ilisimaneqassagami. Angusakkami appariartunngillat, ukiummi tamaasa angusakka pitsanngoriartorput, 2012-mit 2013-llu tungaanut aamma aatsaat taama sungiusartigaanga. Qinnuteqaatinni aamma allappara akunnerni 660 tiiminit 680-it tikillugit sungiusartarlunga, sungiusareeraangamalu aamma allatakka nassiuttarlugit, Niviaq Chemnitz Berthelsen oqarpoq. 

Attaveqatigiittarsimannginneq
Elite Sport Greenlandimit 2012-imiilli tusarami 2014-mi novembarimi tusarfigeqqissimallugit oqaatigaa. 

- Elite Sport Greenlandimut saaffiginnittuaannaraluarpunga akineqassanangalu. Qinnuteqaatinni aamma allappara 2015-mi VM-ertoqarnissaanut peqataanissara anguniarlugu. Aviisimi Sermitsiami aatsaat paasivara Elite Sport Greenlandimit tapersersorneqarnaviarnanga. Novembarimi ataatsimeeqatigeereernerisa kingorna saaffigineqarumaarlunga nalunaarfigineqarluarpunga, saaffigineqanngilangali, Niviaq Chemnitz Berthelsen oqarpoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER