Skip to main content

Hammeken-Holm Uldumimi pisortaaninngorpoq

Jørgen T. Hammeken-Holm Aatsitassanut Naalakkersuisoqarfimmi pisortaagallartutut atorfinitsinneqarpoq

Aningaasaqarnermut Aatsitassanullu Naalakkersuisoq, Demokraatineersoq Anda Uldum aalajangerpoq Jørgen T. Hammeken-Holm Aatsitassanut Naalakkersuisoqarfittaami pisortaagallartutut atorfinitsinneqassasoq.

Taamatut Tusagassiivik paasissutissiivoq.

– Jørgen T. Hammeken-Holm Aatsitassanut Pisoqarfimmi, kingorna Aatsitassanut Aqutsisoqarfinngorsimasumi, ukiuni arlalinni atorfeqarsimavoq. 2003-miit 2012-imut piffissani assigiinngitsuni Namminersorlutik Oqartussani assigiinngitsunik atorfeqartarsimavoq, Aatsitassanut Pisortaqarfiup allattoqarfittut immikkoortoqarfiani pisortatut, uuliamut immikkoortoqarfimmi akuersissutinullu immikkoortoqarfimmi, 2012-imilu aatsitassanut Aqutsisoqarfimmi pisortanngorallartinneqarsimalluni, Tusagassiivik allappoq.

Jørgen T. Hammeken-Holm Aatsitassanut Pisortaqarfimmi atorfininnissani sioqqullugu aamma 1998-imiit 2003-mut Nunaqarfinnik Aqutsisoqarfiup Allattoqarfiani fuldmægtigitut, immikkut siunnersortitut immikkoortoqarfimmilu pisortatut atorfeqarsimavoq.

Naalakkersuisoqarfimmi pisortaagallartutut atorfinitsitaanera atuutilerpoq 2015-imi januaarip aallaqqaataanit.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER