pilluaritsi

Utoqqarnut ikiortinngortut siullerpaat

Peqqissaanermut ikiortit utoqqarnut ikiortinngorniarlutik immikkut ilinniaqqissimasut Peqqissaanermik Ilinniarfimmit Nuummiittumit allagartartaartinneqarsimapput

Utoqqarnut ikiortinngortut tassaapput Marie Mathiassen, Neriusaaq Maniitsoq, Inger Larsen, Maniitsup Peqqissaavia Maniitsoq, Petrine Josefsen, Neriusaaq Maniitsoq, Karen Johannessen, Utoqqaat Illuat, Upernavik, Sara Karlsen, Utoqqaat Illuat, Upernavik, Else Marie Nielsen, Utoqqaat Angerlarsimaffiat, Sisimiut, Christina Denbæk, Ippiarsuk, Nuussuaq aamma Lone Ellingsgaard Isaksen, Utoqqaat Illuat Nuuk

Peqqissaanermik Ilinniarfik

netredaktion (netredaktion@sermitsiaq.ag)

marlunngo 16. dec 2014 13:47

Annonce

Utoqqat nunatsinni amerliartuinnarnerat ilutigalugu Peqqissaanermik Ilinniarfik immikkut ilinniaqqiusinnaasumik peqqissaasunut ikiortinut aallartitsivoq upernaaq.

Peqqissaanermillu ikiortit utoqqarnut ikiortitut immikkut ilinniaqqissimasut tallimanngormat allagartartaartinneqarput.

- Utoqqaat amerliartuinnartut peqqissutsimikkut ajornartorsiorteqarput, soorlu assigiinngitsunik ataatsikkut nappaateqarnerit, puigortunngornerit, timikkut tarnikkullu nappaatit, inooriaatsikkut tarnikkullu piginnaasanik annaasaqarnerit annaasaqarnerilluunniit, kiisalu toqukkut qimagaanerit. Taamaammat immikkut paaqqutarineqarnissaminnut pisariaqartitsinerulernikuupput, Peqqissaanermik Ilinniarfik ilaatigut taama allappoq.

Utoqqarnut ikiortitut peqqissaarnermik ikiortitut ilinniareersimasunut qaammatini tallimani sivisusssuseqarpoq, atuagarsorfiusarlunilu sulinermik misiliiffiusartoq.

nunatsinnit inuiagatigiit