tele
Kangerlussuaq atassuteqaqqilerpoq
Kangerlussuarmut attaveerunnermut sakkortusaaviup sarfalersuutaata ajoquteqarnera pissutasimavoq
Tele-Postimit sukkasuumik iliuuseqarnikkut Kangerlussuaq avammut attaveqaqqilerpoq.
Kangerlssuarmut nalunaarasuartaatitigut attaveqaatit nalunaaqutaq 12.55 iluarsineqarput, Tele-Postimi avammut attaveqarnermut pisortaq Ivalo Egede paasissutissiivoq.
Attaveqaatit ullaaq qulit missaanni kipisoorput, sakkortusaavimmi NAU-mi, Kangerlussuup kangerluani inissisimasumi, ajutoortoqarnera pissurtigalugu.
Teknikerit marluk ingerlaannavik Nuummi ingerlatsiveqarfimmit aallartinneqarput.
Sakkortusaaviup sarfalersuutaa ajoquteqarsimavoq, attaveqarnerlu sukkasuumik pilersinneqaqqippoq. Tusagassiorfinnut nalunaarut naapertorlutu taamatut paasissutissiivoq Tele-Postimi ingerlatsinermut pisortaq Kaj Skytte.
Tele-Postip Kangerlussuarmi atuisartunut akornusersuutaasimasut ajuusaarutigai.