Skip to main content

Nunatsinni Sakkutuussatut ilinniarfik

Kalaallit Nunaanni sakkutuussatut ilinniarfeqalertariaqartoq Siumut tunuliaqutaralugu Inatsisartunut qinersinissamut qinigassanngortittoq Sten Egede Hegelund isumaqarpoq

Nunap innuttai namminiilivinnissamik anguniagaqartut, avataaniillu ikiorneqaratik imminnut isumagisussanngorunik nunatta, nunattalu imartaata killeqarfiinik, aalisartunik nakkutilliinermik, nunattalu avannaarsuata Seriusikkunnit nakkutigineeruppata, uagut kalaallit tamakku isumaginiartussanngussavagut, taamaattumillu taamanikkussamut piareersalereertariaqarsoraagut, Siumut tunuliaqutaralugu Inatsisartunut qinigassanngortittoq Sten Egede Hegelund tusagassiutinut nalunaarummi oqarpoq.

- Nunap innuttai namminiilivinnissamik anguniagaqartut, avataaniillu ikiorneqaratik imminnut isumagisussanngorunik nunatta, nunattalu imartaata killeqarfiinik, aalisartunik nakkutilliinermik, nunattalu avannaarsuata Serius-ikkunnit nakkutigineeruppata, uagut kalaallit tamakku isumaginiartussanngussavagut, taamaattumillu taamanikkussamut pi-areersalereertariaqarsoraagut.

- Sakkutuujuneq 'sorsunnerinnaanngilaq', sakkujuunerli inuttut inerisarfissaavoq, arlaanillu iliniagaqalersinnaaner-mut piareersarfittut atorneqarsinnaalluarluni. Nunatsinni sakkutuujusinnaaneq qallunaat sakkutooqarfii suleqatigalugit kalaallinut inuusuttunut naleqqussarlugu periarfissanngortinniarneqarsinnaavoq. Aallaat oqarsinnaavugut, kalaallip inuusuttup 25-nik ukioqalertinnani Kalaallit Nunaanni sakkutuujusimanissaa piumasaqaatinngortissinnaanissaa, Sten Egede Hegelund oqarpoq. 

- Siumumi anguniakkatut pingaartipparput inuiaqatigiinni kikkut tamarmik ilinniartitaanikkut periarfissaqartinneqarnissaat, tamannalu aatsaat anguneqarsinnaavoq piginnaaneq aallaavigalugu inuttut ingerlariaqqinnissamut naleqqussarfissanik periarfissiinikkut, taamaaliornissamullu sullissisussat – kalaallit ilinniarsimasut – pisariaqartissavagut, Siumut tunuliaqutaralugu qinigassanngortittoq oqarpoq. 

Ilinniarfik Kalaallit Nunaannit aningaasalersorneqarsinnaasoq isumaqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER