attaveqaatit
Attaveeruttoqaraluarnera Tele-Postimit utoqqatsissutigineqarpoq
KNR TV-ip isiginnaarneqarsinnaajunnaarnera aamma radiup tusaaneqarsinnaannginnera suliffeqarfissuut ajuusaarutigaa
KNR TV aamma KNR radio arfininngormat attaveerukkaluarput.
Tamanna Tele-Postimit ajuusaarutigineqarpoq.
- KNR DVBT (Digital Video Broadcasting) attaveeruppoq arfininngormat. Tassa imaappoq Nuummiit avannamut illoqarfinni aamma nunaqarfinni innuttaasut nalunaaqutaq 12-ip missaannit 18-ip missaanut KNR TV isiginnaarsinnaasimanngilaat aamma radio tusarnaarsinnaasimanagu, Tele-Post tusagassiutinut nalunaaruteqarpoq.
- Tele-Postip Aasianniit Uummannamut sakkortusaaviit nutaat ikkussuuppaat, tamatumunnga atatillugu KNR DVBT aqqutigalugu aallakaatitsiviata sakkortusaavinnut nutaanut nuunneqarneranut atatillugu ajoraluartumik atortuni nutaani ajutoortoqarpoq. Tamatuma kingunerisaanik KNR DVBT aqqutigalugu siaruarterineq Nuummiit avannamut atassutaaruppoq. Tamanna maannakkut pisoqqamut uterteqqinneqarpoq aallakaatitsineq ingerlaqqilerluni. Pisimasoq ajutoortitsisoq maannakkut pisiffigisamut nalunaarutigineqareerpoq tamatumani pisup nassuiaatigineqarnissaa siunnertarineqarluni.