Skip to main content

Siunnersuisooqatigiit: Aningaasaqarnikkut imminut napatittumik ingerlatsilernissaq ungasippoq

Danmarkimit aningaasanik taperneqartarnissaq suli sivisuumi atuunnissaa naatsorsuutigineqartariaqassasoq Aningaasaqarnermut Siunnersuisooqatigiit nalunaarusiaanni ilaatigut atuarneqarsinnaavoq

Nalunaarusiaq tupaallannartortaqanngilaq. 

Nunatta aningaasaqarnikkut imminut napatittumik ingerlatsilernissaq qaqagu pilersinnaanersoq suli piffissaanngilaq. Danmarkimit aningaasaqarnikkut taperneqarneq suli ukiorpassuarni atuutissaaq. 

Nalunaarusiaq 'Kalaallit Nunaannut iluaqutaasumik' januaarimi saqqummiunneqarpoq. Tassani aamma oqaatigineqarpoq Nunatta aningaasatigut imminut napatittumik ingerlatsilernissaa ungatittoq. Aningaasaqarnermut Siunnersuisooqatigiit nalunaarusiaanni 'Kalaallit Nunaata Aningaasaqarna 2014'-mi aamma assingusumik oqariartuuteqartoqarpoq. 

- Aatsitassarsiornissat pisariaqartinneqarput aningaasaqarneq imminut napatissinnaasoq anguneqassappat, nalunaarusiami ataasinngormat saqqummiunneqartumi ilaatigut atuarneqarsinnaavoq. 

Aaqqissuusseqqinnerit amerlasuut
-  Tamakku kingunerisassaat inuiaqatigiillu aningaasaqarnerannut iluaqutaasussat takuneqarsinnaalissapput pilersaarutit tamakku inuussutissarsiutit ineriartornerannik, innuttaasullu suliffissaqalernerannik kinguneqarsinnaappata. Ineriartorneq taamaattoq iluatsissappat aaqqissuusseqqinnissat arlallit pisariaqartinneqarput. Inuiaqatigiit atugarissaartut aningaasaliinikkut 
ajornartorsiutaannik iluarsiinissamut inuussutissarsiutitigut ineriartornerit aaqqissuusseqqinne Inuiaqatigiit atugarissaartut aningaasaliinikkut 
ajornartorsiutaannik iluarsiinissamut inuussutissarsiutitigut ineriartornerit aaqqissuusseqqinneittuullutik, Siunnersuisooqatigiit tikkuaapput. 

Inuussutissarsiutitigut ineriartorneq innuttaasunut iluaqutaasumik tunisassiornermik suliffissaqartitsinermillu pilersitsisoq anguneqassappat sulisinnaasut piginnaasamikkut qaffassarnissaat pisariaqarpoq, nuttartoqarsinnaasariaqarpoq sulerusussuseqartoqarlunilu.

- Tamanna iluatsissinnaassappat akileraarutinut akiliutigineqartut annertunerit, inunnillu isumaginninnermut aningaasartuutit annikinnerusut aqqutigalugit pisortat aningaasaqarnerat aamma nukittorsarneqassaaq, Aningaasaqarnermut Siunnersuisooqatigiit nalunaarusiaanni atuarneqarsinnaavoq. 

Nalunaarusiaq 'Kalaallit Nunaata Aningaasaqarna 2014' talerpiata tungaani kalaallisoortaa aaneqarsinnaavoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER