Skip to main content

Siunnersuisooqatigiit: Ineqarnermut politikki akisuvoq anguniarneqartullu anguneqarneq ajorlutik

Aningaasaqarnermut Siunnersuisooqatigiit ineqarneq pillugu tikkuaaqqipput

Kalaallit Nunaanni inissiat pillugit Aningaasaqarnermut Siunnersuisooqatigiit nalunaarusiaminni 'Kalaallit Nunaata Aningaasaqarna 2014'-mi tikkuaaqqipput. 

Ineqarniarneq arlalinnik pissuteqartumik ajornartorsiorfiuvoq. Inissiat amerlavallaartut ajortumik aserfallatsaaliorneqarsimapput, illoqarfinni anginerusuni inissat amigaataapput, tamannalu immini ajornartorsiutaavoq, Aningaasaqarnermut Siunnersuisooqatigiit ilaatigut allapput. 

- Ineqarnermut politikki akisuvoq anguniarneqartullu anguneqarneq ajorlutik. Tamatumani pingaarnermik inissiat tamakkerlutik naleqqussarnissaat piumaneqarnerallu pineqarput aammalu inuiaqatigiinni pissakinnerpaanut tapiissutit anngunneqartarnissaat eqqarsaatigalugu. Ineqarnermut tapiissutaasut aningaasaqarnikkut pissakinnerpaanut tunngatitaagaluarput, tapiissutilli allat 
amerlanertigut pissarissaarnerusunut annguttarlutik, Aningaasaqarnermut Siunnersuisooqatigiit naliliipput. 

Inissiat akisuut
Inissiat taarsigassarsiat akikitsuararsuit Namminersorlutik Oqartussaneersut kommunineersullu aqqutigalugit aningaasalersorneqarsinnaapput. Taamatut ernianut tapiissuteqartarnermi tapiissutit 300-400 million koruuninik naleqartarput,  taamaalillutillu ineqarnermut tapiissutinut aningaasartuutaasut pingasoriaatigalugit.

- Inissiat tamanut akikitsunngorlugit tunniunneqarsinnaanngillat. Tapiissutigineqartut akileraarutit qaffasinnerit imaluunniit susassaqarfinnut allanut aningaasartuutit appasinnerit aqqutigalugit akilerneqassapput. Qaffasissumik tapiissuteqartarnerup atuineq equngalersippaa, annertuallaamillu pisortat aningaasaqarnerat oqimaatsorsiortillugu, nalunaarusiami ataasinngornermi saqqummiunneqartumi ilaatigut atuarneqarsinnaavoq. 

Inissianut tapiissutit assigiinngitsut suuneri takuneqarsinnaanerilu annerusumik isiginiarnissaat pisariaqartinneqartoq Aningaasaqarnermut Siunnersuisooqatigiit siunnersuuteqarput. Siunnersuisooqatigiinni Torben M. Andersen siulittaasuuvoq.

-  Pisortat taarsigassarsititsinissaannik tapersersuisoqarpoq, kisiannili tamatuma ajornannginnerusunik piumasaqaatitaqarnissaa pineqarnani niuernermi piumasaqaatimatuma ajornannginnerusunik piumasaqaatitaqarnissaa pineqarnani niuernermi piumasaqaatigissagaanni. Pisortat taarsigassarsititsinerat aqqutigalugu inissianut tapiissuteqartoqareerpoq, tamatumani pisortat aningaasaleeqataasimatinnagit nammineerluni aningaasaliinissaq ajornarsinnaasarmat, Aningaasaqarnermut Siunnersuisooqatigiit nalunaarusiaminni ilaatigut allapput. Siunnersuisooqatigiit Naalakkersuisunit 2009-mi pilersinneqarput. 

Aningaasaqarnermut Siunnersuisooqatigiit nalunaarusiaat talerpiata tungaani atuarneqarsinnaavoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER