Skip to main content

Assit: Prinsesse Benedikte Tasiilap meerartaanit pulaarneqaqqippoq

Kalaallit qallunaallu meerartaat 54-it Amalienborgimut ukiumoortumik pulaarput. Tassani prinsesse Benedikte ilassineqarpoq

Illoqarfiit ikinngutigiinnit Gentoftimit Tasiilamiillu meerartaat prinsesse Benedikte ataasinngornerup pulaarpaat. Assiliisoq Chris Christophersen Sermitsiaq.AGmut nalunaarpoq. 

Prinsesse Benedikte naatsumik tikilluaqqusinermini oqalugiareersoq meeqqat mamarisaannik sassaalliisoqarpoq. Meeqqat kusanartunik kalaallisoortut aamma prinsesse Benediktep alakkartarpai. Pulaarnerminnut qujaniarlutik meeqqat umimmaap meqquanik qilattagassiamik prinsessemut tunniussipput. Taanna sapangaarartaqarpoq, prinsesse Benediktellu ingerlannaq ativaa. 

Danmarkimi atuariartut
Kommunitut ikinngutigiit Sermersooq aamma Gentofte Kommune atuartunut aaqqissuussaqarput. Meeqqat Tasiilameersut 27-t Gentoftip atuarfiini sapaatip akunnerini sisamani atuarput. 

Prinsesse Benedikte Gentofte/Kalaallit Nunaatalu suleqatigiittarneranni illersuisutut atorfeqarpoq, taannalu unitsinneqarmat Christian VIII-p illussaarsuaraani Amalienborgimiittumi meeqqanik qaaqqusisarnini ingerlatiinnarpaa. 

Assit ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER